Главная » 2024 » Iýun » 26 » Ýediñde ýazylan goşgy
15:26

Ýediñde ýazylan goşgy

ÝEDIÑDE ÝAZYLAN GOŞGY

Gitdiň sen!
Hiç kim tutmaz seň ýeriňi.
Ýene daraldy ömrümiň
Öňdenem çäkli gerimi.

Sessiz gözýaşym,
Agraltdy aýralyk zaryn.
Aldyrdym tende galanja,
Janymyň ýaryn.

Öňküler deý kim diýr maňa,
“Haý, oglan, çaýyň içjekmi”?!
Diýlende, şo ýakyn sesi,
Indi men bir eşitjekmi?!

Ýarym asyr bileligi,
Haýp, bile alyp gitmediň!
Gitdiň!
Menden soňa gal sen, diýsem,
Etmediň!

Nätjek?!
Sensiz tapdan düşer gerden.
...Bol-da, iman äkidenden!

21.06.2024 ý.
Goşgular
Категория: Goşgular | Просмотров: 511 | Добавил: Geldimyrat | Теги: Geldimyrat Seýidow | Рейтинг: 4.5/6
Awtoryň başga makalalary

Goşgular bölümiň başga makalalary

√ Kowusnama: Bedew edinmek hakynda / Goşgular - 12.01.2025
√ Aramyzdan gidenleri ýatlalyñ! / Goşgular - 12.01.2025
√ Söýlemezlik harjysy söýlemegiň hasydyr... / Goşgular - 04.01.2025
√ Dil pyrak odunda ýandy, galdy jan hijran era... / Goşgular - 12.01.2025
√ Şaglawuk / Goşgular - 02.01.2025
√ "Ýene-de daň atdy..." / Goşgular - 01.01.2025
√ Lolular / Goşgular - 08.01.2025
√ Eýledi ýar meni dert ile awara, medet... / Goşgular - 12.01.2025
√ Meýdan güli / Goşgular - 30.01.2025
√ Ýar laglyň arzuwlar men, jana bereý sen şypa... / Goşgular - 06.01.2025

Teswirleriň ählisi: 6
0
1 Moderator  
1471
Geldimyrat eke. Belent Allatagala ýüregiñe giñlik bersin.
Nesip çekdi, birnäçe gezek duzuny iýdik. Şeýle mähriban, şeýle nurana, güler ýüzli, hoş sözli, myhmansöýer aýaldy.
"Ondan geldik, Oña-da gitmeli..."
Muña bize diñe boýun sunmak we edenine şükür etmek galýar.
Mundan soñ biliñi bek guşamaly borsuñyz. Ýekelik agyrdyr. Her kes çekebilmez. Üstüñizi dert basdyrmajak bolsañyz, diñe ýazyñ, ýazyñ, ýazyñ!
Ýeññemiziñ hem ýatan ýeri ýagty bolsun, iman äkidenlerden bolsun we perişdeler ýaranlyk etsin!
Siziñem gowy goşgularyñyzyñ we ýatlama ýazgylaryñyzyñ yzy üzülmesin, ylaýym!
Janyñyz sag, ömrüñiz uzak bolsun!

0
2 Geldimyrat  
1596
Sag bol, inijik, görjegiñ gowulyklar bolsun!

0
3 Garadag  
128
Geldimyrat aga, yzy ýarasyn!
Gelnejemize iman baýlygyny diläli, agam!
Gaýrat ediñ, agam! Bendeçilikdir.
"Bu ölmek-aýrylmak galypdyr öñden" diýýä, Pyragy pir.
Hemmämiziñkem ahyrymyz abat etsin, Allajan.

0
4 Geldimyrat  
1596
Minnetdar, Garadagym!

0
5 Moderator  
1471
Geldimyrat aga, ýeňňemize iman, maşgalaňyza, size gaýrat bersin.
Geldimyrat aga, ýeňňemiziň ornuny hiç zat tutmaz. Ýöne durmuş dowam edýär. Size Alladan kuwwat diläp, Sizden gowy döredijilige garaşýandygymyzy hem ýatlatmak isleýärin. Alla kuwwat bersin, galamyňyz ýiti bolsun, ýaşuly!!!

Döwletmyrat ÝAZGULYÝEW.

0
6 Geldimyrat  
1596
Döwletmyrat, inim, ýakymly sözleriñ meni kuwwatlandyrdy, görjegiñ gowulyklar bolsun!

Teswiri diňe saýta agza bolan ulanjylar goşup bilýär.
[ Agza bol | Saýta gir ]