23:00 Iñ soñky günä | |
|
IÑ SOÑKY GÜNÄ
Goşgular
Alys ýola çykyp, azaşdym tümde. Bir ýerden goh gelýär — görsem, üstümde Çaýkel sürüleri barmyş hemişe. Goý, gelmesin maňa hiç kimiň haýpy, Men tapmak isledim ilkinji HARPY, Baş goşdum öz başym çykmajak işe. Pikirler aňymda gurdular jeňi, Ýatyrmady gizlin sanlaryň jemi, Elýeter zatlary almadym alga. Yzasyz agyry, ukusyz gije, Sebäpsiz gam-gussa, ýalňyş netije, Günä ýakyn yhlas, ýersiz tagalla… Indi aňýan — men günämiň ýesiri. Boldy, boldy — şol gün göwresiz biri Diýipdi: «Daragta barmagyn golaý!» Ol gitdi keselli hyýaly tijäp: Ýöremekden galan aýagym gijäp, Gan indi kesewä öwrülen gola. Silteledim hellewleýän daragty. Ol daragt täzeden irkilen wagty Öňküden hem batly siltedim ýene. Yza ýol ýok, ýogsam, dolanjak näler: Şol pursat nur öçüp, jygyldap älem Gökdäki ýyldyzlar döküldi ýere… Orazgylyç ÇARYÝEW. | |
|
| |
| √ Ýar laglyň arzuwlar men, jana bereý sen şypa... / Goşgular - 06.01.2025 | |
| √ Rubagylar / Goşgular - 10.01.2025 | |
| √ Eýledi ýar meni dert ile awara, medet... / Goşgular - 12.01.2025 | |
| √ Dostum, arz et jemalyň, janymyz bolsun fereh... / Goşgular - 04.01.2025 | |
| √ Dünýä maňa aşyk bolsun! / Goşgular - 07.01.2025 | |
| √ Söýlemezlik harjysy söýlemegiň hasydyr... / Goşgular - 04.01.2025 | |
| √ Oňşuksyz öý / Goşgular - 12.01.2025 | |
| √ Lolular / Goşgular - 08.01.2025 | |
| √ Dil pyrak odunda ýandy, galdy jan hijran era... / Goşgular - 12.01.2025 | |
| √ "Ýene-de daň atdy..." / Goşgular - 01.01.2025 | |
| Teswirleriň ählisi: 2 | |||
| |||
0
