Kölege-gül / mini-hekaýa

KÖLEGE-GÜL

Kölegeler tyrpyp barýar.
Duralgada duran ýaşyl awtobusyň böwründen.
Dükanlaň witrinasyndan.
Diwarlaň ýüzünden.
Aýallar.
Erkekler.
Ýetginjekler.
Çagalar.
Awtobusyň garaldylan aýnasynda zynatly söwda merkeziniň şekili ýaşaýar. Ol şekiliň içinde-de ýene-de kölegeler.
Gül dükanynyň sudurynyň böwrüne Gün şöhlesi düşmez ýaly, hasa-matadan perde tutulypdyr.
Oň aňyrsynda-da äýnekli, saçlak adam-kölege kölege-güli saýlap alýar...
Kölege-öýüne baryp, kölege-hanymyna sowgat bermek üçin...
Kölegeler tyrpyp barýar...
Kölege-dünýäň ýüzünden...