Küýze döwükleri

KÜÝZE DÖWÜKLERI

Kän sapar synlapdym küýze döwgüni,
Gadym galalaryň harabasynda.
Eger wagt bilsedi yza öwrülip,
Tisginip oýansam gara basan deý.

Mongol gatyrlarnyň toýnak sesinden,
Ýurt binasy başlanynda çat açyp.
Bigaýratlyk belasyna sataşyp.
Şalar gaçdy,
il-günüň ýeňsesinden,

Oňa derek halal kalply külalyň,
Epilmedi dyzy öňünde ýowuň.
Döşün gerdi garşysynda belanyň,
Parahat garşylap ajalyň dowlun.

Aýama gysýaryn döwgüni küýzäň,
Taryhymyň çym-pytyrak parçasy.
Gümmürdisi bilen galkandyr naýzaň,
Açylýandyr gadymýetiň sahnasy.

Geçmiş -
Zöhre ýyldyzy dek nur seçmiş.
Men onuň yşgynda döndüm Tahyra.
Hatda küýze döwgüne-de seredip
Syýahat eýlemek bolar taryha.

Sylapberdi MUHAMOW.

19.10.2020 ý.