Töwir

TÖWIR

Euzubillähimineşşeýtonirrejim.
Bismillähirahmänirrahim. Elhemdulilläh.
Tagamyň hakyna. Belanyň depine.
Goýma namardyň gepine,
Kän bolsun, köp bolsun,
Gelen bela dep bolsun,
Hudaý ýoluna sadaka bolsun!

Allahu ekber, Allahu ekber!
Ak ýüreklä medet ber!
Beladan-beterden,
Howpdan-hatardan
Allanyň özi saklasyn.
Biribar, barça bendäň
Iýen duzun haklasyn.
jan saglyk bolsun,
Başy jemlik bolsun!

Allahu ekber, Allahu ekber!
Kän işläne kän hak ber!
Ýurdumyz abat bolsun,
Iýjegmiz nabat bolsun.
Saçagmyz nanly bolsun,
Agylmyz mally bolsun.
Rysgal zyýada bolsun,
Duşman pyýada bolsun!

Allahu ekber, Allahu ekber!
Gujur, gaýrat, saglyk ber!
Görjegmiz gowluk bolsun,
Kän agtyk-çowluk bolsun.
Allaha kän şükürim,
Hoş niýetdir pikirim.
Hernä aýdanmyz gelsin,
Sadaka kabul bolsun!

1996 ý.

Kaýum TAŇRYGULYÝEW.