17:49 Ýagşydyr | |
ÝAGŞYDYR
Salam berip barsaň döwletli öýe, Duz dadyp, dyzyňy epseň, ýagşydyr. Söz – kerem-gudratdyr, ruhlara söýe, Süýji-süýji söhbet etseň, ýagşydyr. Häsiýeti deý pikirem deň däl hemmäň, Bir maksat: “Bagt” diýip, atýarys hallan. Azgyny göreňde gözüňi ýumman, Dogry ýola salyp gitseň, ýagşydyr. Ýylgyrsaň ajapdyr, gaşyňy çytman, Bilenňi öwretgin egniňi gysman, Ýokaryk çykýanyň synyndan çekmän, Goldaw berip, öňe itseň, ýagşydyr. Şükür et, ynamy üzme ertäňden, Umyt yşy öçmäwersin peltäňden. Oý-pikire çümüp özüň örtänden, Bir işiň başyny tutsaň, ýagşydyr. Asgyn geler göýdük pikirden-köýden, Bu dünýäni çyn-hakykat däl öýden. Akly haýran eden täsin täleýden, Kä utulyp, käte utsaň, ýagşydyr. Gerek, artyk, ähli zady saz goýup, Gyşy kalba sorup, ile ýaz goýup. Uly-kiçi ýüreklerde yz goýup, Imanyň arkalap gitseň, ýagşydyr. Azymberdi Kakaýew | |
|
√ Aýşy-eşret çagynda / Goşgular - 20.08.2024 |
√ Aýralygyň aýdymy / Goşgular - 10.10.2024 |
√ Gaýtawul / Goşgular - 31.08.2024 |
√ Pyragyny okasañ! / Goşgular - 24.06.2024 |
√ Diýer sen / Goşgular - 24.05.2024 |
√ Şol işandan / Goşgular - 12.06.2024 |
√ Hindi gyzy / Goşgular - 31.08.2024 |
√ Eý, aşyklar, eý, aşyklar mezheb-u din yşkdyr maňa... / Goşgular - 27.08.2024 |
√ Шоколадка / Goşgular - 27.07.2024 |
√ Bu mekana gelmişem / Goşgular - 02.08.2024 |
Teswirleriň ählisi: 1 | ||
| ||