19:00 Bardyr | |
BARDYR
Bir aladaň çözüldigi, Öňde ýene ony bardyr. Agtar-da tap gözelligi, Onda arşyň nury bardyr. Bagt aýdymyn aýtsa bende, Haýran bolup durma sende! Serindäki aklyň hem-de, Bileginiň zory bardyr. Möhürläp ähti peýmanyn, Ýürek ýazyp dur permanyn. Arzuwlaryň hem armanyň, Gursaklarda gory bardyr. Joşulyp çykylýar serden, Aýak üzüläýýär ýerden. Mert ýigit ownasa birden, Ýanynda bir loly bardyr. Howlukman iş et, eglen-de, Gül dörär ynsan emrinden. Ýalkanan bendäň egninde, Görseň haýa dony bardyr. Bu öwüt däl ýa-da nakyl, Ýaman pişelerden çekil. Durkda gaýrat, başda akyl, Bary bardyr, ýogy bardyr. Uzak gijelerne ýatman, Bar kagyza arzym aýtman. Azym, bes et akyl satmaň, Her kimiň öz ýoly bardyr. Azymberdi KAKAÝEW. | |
|
√ Moskwadan görýärler / Goşgular - 30.01.2024 |
√ Tumar / Goşgular - 24.05.2024 |
√ Gitseň / Goşgular - 25.06.2024 |
√ Goltugy daşly adam / Goşgular - 05.01.2024 |
√ Soñudagy / Goşgular - 06.07.2024 |
√ Dostluk / Goşgular - 26.05.2024 |
√ Я блондинка / Goşgular - 26.07.2024 |
√ Dünýe sen / Goşgular - 27.05.2024 |
√ Şäher merine / Goşgular - 12.05.2024 |
√ Hasap / Goşgular - 18.02.2024 |
Teswirleriň ählisi: 0 | |