21:42 Ýalňyşdym | |
|
ÝALŇYŞDYM
Goşgular
"Bu dünýäde hemme zat çyn, hemme zat galat". Kalderon. Ýalana ynanman ýalňyşdym, Çyna ynanyp ýalňyşdym. Bir maksat tutup ýalňyşdym, Maksada ýetip ýalňyşdym. Dosta ynanyp ýalňyşdym, Duşmana ynanyp ýalňyşdym. Ýalançyny, ýaranjaňy Adamam sanman ýalňyşdym. Bähbidim bolsa-da, iki geplemän, Dogry gepi dogry aýdyp ýalňyşdym. Haram ýoldan haram rysgal gözlemän, Adalatam bardyr öýdüp ýalňyşdym. “Şu ýoldan gitme!” diýdiler, Şol ýoldan gitmän ýalňyşdym. “Ýagşylyk etme!” diýdiler, Ýamanlyk etmän ýalňyşdym. Watany söýdüm goh etmän, Ýürekden söýdüm, tersmişin. “Watan, seni söýýän!” diýip, Telewizorda gygyrýan Sesi güýçliňki dürsmişin. Ýaşam ömrümiň ortasy, Başy hem yzy-ýalňyşlyk. Sebäpler ýöne bahana, Belki-de, meň bu jahana Gelmegmiň özi-ÝALŇYŞLYK. Atajan TAGAN. | |
|
| |
| √ Ýar laglyň arzuwlar men, jana bereý sen şypa... / Goşgular - 06.01.2025 | |
| √ Lolular / Goşgular - 08.01.2025 | |
| √ Ýagşy niýetler / Goşgular - 08.01.2025 | |
| √ Men bir ýola... / Goşgular - 12.01.2025 | |
| √ Dostum, arz et jemalyň, janymyz bolsun fereh... / Goşgular - 04.01.2025 | |
| √ Oňşuksyz öý / Goşgular - 12.01.2025 | |
| √ "Ýene-de daň atdy..." / Goşgular - 01.01.2025 | |
| √ Eýledi ýar meni dert ile awara, medet... / Goşgular - 12.01.2025 | |
| √ Dil pyrak odunda ýandy, galdy jan hijran era... / Goşgular - 12.01.2025 | |
| √ Rubagylar / Goşgular - 10.01.2025 | |
| Teswirleriň ählisi: 4 | ||||
| ||||
