AÑDYRÝAR MAÑA
Güýz çigregi ýetip ýuwaş-ýuwaşdan,
Ýapraklary bir-bir tänýän agaçlar
Birmahalky gür saçlarmyň bu başdan
Seýrekläp barşyny aňdyrýar maňa.
Heserlenşip, gögüň hatar durnasy,
Ýyly mekan küýsäp,
toýnuk gurmasy,
Hernä, sowuk sözden gaça durmagy,
Yssylyk parzymy aňdyrýar maňa.
Heňňamlaryň düşelgesi gijeler,
Düýnüň ertä geçelgesi gijeler,
Däli göwnüň göçelgesi gijeler
Pelegiň çarhyny aňdyrýar maňa.
Aýt, bilýänsiň...
Haka golaýsyň, göwün,
Men nämüçin beýle oňaýsyz, göwün?!
Sekundy sanalgy sagatlar, agyn,
Alys ýol harjymy aňdyrýar maňa.
Kakamyrat REJEBOW.
