19:24 Garantga | |
GARANTGA
Ýañy uka giden çagy illeriñ, Başlandy hysyrdy, öñde iş uly: Sarap-çytyp bir-birine agajy, Özünden artany - köne-küşüli, Geýdirdi, Tap-taýyn garantgasyny, Buýsanç bilen, emaý bilen ýaşuly Dikdi orruk ortarasy mellegiñ. Gullugyñ möhleti eññerä çenli Başlandy ilkinji güni gullugyñ. Gije garantgasyn garawullady, Garantga ekini garawullady. Gerk-gäbe gawun iýjek şagallar Gorkup, oña garaý-garaý uwlady. Gündiz garantgadan heder etmedik Guşlar saýasynda saýaladylar. Garantga eýesiniñ was-was başyny Uzak ýyllap ýelden-uzdan goraglan Telpegine gonup, ...zaýaladylar. Görüp göz alnynda bihaýa işi, Garantga eýesi daşlady guşy. Başyndan jüp aýlap atdy sapany, Günortan düýşüni alýan mahaly Çagalaryñ eli kesek tutany Daşlady garantgañ gaba başyny, Agaç el-aýagyn, agaç döşüni. Ukusy bozuldy, sögündi biçen, Kesekläp kowlady "bezzat goşuny". Gorady, geçirdi ol uzak günün, Garantgany - gije höwür, hemdemin. Gije garantgasyn garawullady, Garantga ekini garawullady. Garantgañ başyny yrady şemal, Garantgañ goluny galgap şuwlady. Gündiz oba gelip bilenok şagal, Gije gorkup, garap, gargap uwlady. Аmаnmуrаt ВUGАÝЕW. | |
|
√ Ýolbars we Möjek / basnýa / Goşgular - 05.01.2024 |
√ Gowy görülen goşgy / Goşgular - 05.01.2024 |
√ Ömrümiñ manysy bolmaly zenan / Goşgular - 05.02.2024 |
√ Nädip ýaşamaly?! / Goşgular - 13.01.2024 |
√ Täjir tanşyma / Goşgular - 16.01.2024 |
√ "Gitdim senden ilerledip ümzügi..." / Goşgular - 01.01.2024 |
√ Lenç edilen nakyl / Goşgular - 05.02.2024 |
√ "At bilen kowalap gördüler ony..." / Goşgular - 01.01.2024 |
√ Suwdan ot çykaran goşgy / Goşgular - 31.01.2024 |
√ Ýagyş damjasy / Goşgular - 24.03.2024 |
Teswirleriň ählisi: 0 | |