"Gel, ezizim dag başyna çykaly..."

"GEL, EZIZIM DAG BAŞYNA ÇYKALY“...

Gideli biz dag goýnuna ezizim,
Daglarda synlaly Günüň dogşuny.
Penalap müň ýaşly ýaşyl arçany
Diň salaly bahar ýagmyr-ýagşyna.

Çar tarapyň daglar gurşap oturan
Gideli biz dogduk Könekesire.
Synlap Şyhattaryň altyn täjini
Dolanaly gadym altyn asyra.

Gel, ikimyz dag başyna çykaly,
Çaý içeli kerkaw oduň közüne.
Gözüň düşer Hatynagaň zawynda
Allaýaryň birwagtky yzyna.

Ýatlaly birme-bir ýakyn-ýatlary,
Olar meň geçmişim, olar hakydam.
Ýör gideli dag goýnuna ezizim,
Goja daglar habar berýär bakydan.

3.03.2003