Главная » 2021 » Dekabr » 8 » Git, saklamaryn
08:08

Git, saklamaryn

GIT, SAKLAMARYN

Git saklamaryn ýoluňy baglap,
Gideňsoňam "gitdi" diýip ýörmerin,
Geleniňde dogulmandym, hiç haçan
Ýalňyz goýup gidäýseňem ölmerin.

Şatlykly günlermi gussalar basar,
Hiç kim gelmez paýlaşmaga derdimi.
Sen üýtgediň, men üýtgedim kim biler,
Heý ýokmykä gussalaryň serhedi.

Özge gözler göreçlerňe baksada,
Alys bolsa ýollarmyzyň arasy...
Söýip bilmen özge birin sendeýin,
Ýazgydyma ýazylandyr öňdenem,
Aýralygyň tapylmajak çäresi.

Git saklamaryn ýoluňy baglap,
Gideňsoňam "gitdi" diýip ýörmerin,
Geleniňde dogulmandym, hiç haçan
Ýalňyz goýup gidäýseňem ölmerin.

Perman HALGYLYJOW.
Категория: Goşgular | Просмотров: 343 | Добавил: permanh2206 | Теги: Perman Halgylyjow | Рейтинг: 4.3/3
Awtoryň başga makalalary

Goşgular bölümiň başga makalalary

√ Eýdip-beýdip... / edebi ýaňsylama / Goşgular - 12.01.2024
√ Günüñ monology / Goşgular - 01.01.2024
√ Täjir tanşyma / Goşgular - 16.01.2024
√ Sowuk söz / Goşgular - 31.01.2024
√ Moskwadan görýärler / Goşgular - 30.01.2024
√ Erjellik / Goşgular - 05.01.2024
√ «Превратила всё в шутку сначала…» / Goşgular - 29.02.2024
√ Ynanarmykan? / Goşgular - 30.01.2024
√ Mürze ýigit / Goşgular - 12.03.2024
√ Wiswisi lakamly obadaşymyň ömür beýany / Goşgular - 25.03.2024

Teswirleriň ählisi: 4
1
1 mango  
651
Geleniňde dogulmandym, hiç haçan
Ýalňyz goýup gidäýseňem ölmerin.

"aglak" goşgulary halap bilemok... :-)
gahryman bilen gahrymankaň arasy gülala-güllük bolan bolan bolsa.... eger-de.... onda:
Her geleňde men täzeden dogulýan,
Ýalňyz goýup gidäýseňem – ölerin. -diýerdi....

gitseň – erbet, gitmeseň – senden gowusy ýok....
bumy söýgi? :-)

0
2 Ejeşa  
1060
Bu gosgyny yazan ellerine saglyk.

0
3 Gumlygelin  
8
@Perman goşgyny haladym jigim... Diñe meni nämüçin bilmedim *saklamaryn diýen söz biynjalyk etdi. Şony *Gidiber, saklaman ýoluñy baglap...diýen ýalyrak alsañ nähili bolarka. Şonda şo setirde bogun sanam deñleşjek eken...
Üstünlik hemran bolsun Perman!

0
4 Hyýalkeş  
752
Gideñde ýüregimiñ gapysyny berkräk ýap, içindäkiler üşemesin.

Teswiri diňe saýta agza bolan ulanjylar goşup bilýär.
[ Agza bol | Saýta gir ]