Eje!

EJE!

Kän ýykyldym, tutan ýokdy elimden,
Arzuwlam wysaly bolmady eje!
Aglatdylar ýaşlar akdy gözimden,
Ykbal hijem maña gülmedi eje!

Söýgim diýdim, bolar öýtdim wepaly,
Hem ynanyp çekdim ençe jepany,
Ýürege salynan şeýle yzany,
Hiç kim ýüregimden almady eje!

Syrym aýtdym, paýladylar syrymy,
Dostdur öýtdim, ýakyn görip birini,
Durmuş görkezmedi ýoluñ ugruny,
Gussamy hiç kimem añmady eje!

Dertdeş bolup meñ üstimden güldiler,
Hem bagtymy meñ elimden aldylar,
Kalba tükenmejek yza saldylar,
Dünýämde gamgyn saz ýañlandy eje.
Sen ekeniñ ýeke maña ýürekdeş,
Başgalara ynamym soñlandy eje!!!

Perman HALGYLYJOW.