11:11 Gorkar men | |
GORKAR MEN
"Ulug günüñ azabyndan gorkar men" Gurhan. Ýunus süresi Hiç kesiñ göwnüne degmek islämok, Ulug Günüñ azabyndan gorkar men. Ýamanlygy ýüregimde beslämok, Ulug Günüñ azabyndan gorkar men. Bag-bakja-da Allañ ýaradan zady, Asmandadyr ynsyñ-jynsyñ myrady. Alynsa bir ýyndam bedewiñ baby, Ulug Günüñ azabyndan gorkar men. Bahyllaryñ bahyllygyn dadar men, Islegim dilärmen bir Hudadan men. Gorkamok han-begden, erkin adam men, Ulug Günüñ azabyndan gorkar men. Göwnüm ýykyp, il göwnüne ýetmesem, Her gün özgä bir ýagşylyk etmesem, Teşnä barýan suwuñ öñün beklesem, Ulug Günüñ azabyndan gorkar men. Badak salma sen özüñden öñdäge, Yrsgalyñ iý, artanyn ber özgäge. Haky goýup, oñ bendesin söýmäge, Ulug Günüñ azabyndan gorkar men. Seniñ sözüñ sözdür, wadañ wadadyr, Seniñ emriñ emir, kadañ kadadyr. Bendäniñ umydy bir Alladadyr, Ulug Günüñ azabyndan gorkar men. Duşmanlarmy Özüñ dep etgin, Allam, Olary Özüñe çep etgin, Allam, Derdim az, imanym köp etgin, Allam, Ulug Günüñ azabyndan gorkar men. Atamyrat ATABAÝEW. "WATAN" gazeti, 1996 ý. | |
|
√ Dostluk hakda / Goşgular - 18.02.2024 |
√ Siziñki / Goşgular - 30.01.2024 |
√ Ýogaldy / Goşgular - 05.05.2024 |
√ Жизнь / Goşgular - 29.02.2024 |
√ Sumbaryñ kenarynda / Goşgular - 01.01.2024 |
√ Moskwadan görýärler / Goşgular - 30.01.2024 |
√ Şert / Goşgular - 09.02.2024 |
√ Rubagylar / Goşgular - 13.01.2024 |
√ "Garrap ýörünmi ýa men..." / Goşgular - 01.01.2024 |
√ Gökdepäm / Goşgular - 22.03.2024 |