02:36 Jan dilberim, bagyşlawer! | |
JAN DILBERIM, BAGYŞLAWER!
Golaýlaşýan, gorka-gorka, Jan dilberim, bagyşlawer! Aşyk öten, arka-arka, Jan dilberim, bagyşlawer! Ýakym-gözde, gül-çemende, Çäç-harmanda, hörp bar heňde, Aşyklar şeýle jemende, Jan dilberim, bagyşlawer! Gör, nijeler saýlap-seçen, Nijeleri ýaýnap geçen, Nijeleri ýanyp-öçen, Jan dilberim, bagyşlawer! Aşyklaryň ýol-ýodasy, Aýşy-eşretdir kadasy, Diýme: «Bu nämäň modasy?», Jan dilberim, bagyşlawer! Öter menden, senden öter, Ýetmän ötseň, şoldur beter, Ýörelmese, ot-çöp biter, Jan dilberim, bagyşlawer! Şu dünýädir bize pany, Sürmän öten köp, sapany, Kimdir söýmez hoş şypany, Jan dilberim, bagyşlawer! Ynam ýokdur ertämize, Haýal-ýagaly sür tize, Aýbym aýryp, ber tämize, Jan dilberim, bagyşlawer! Besdir, ugruňda köýmäýin, Ýüzüň-gözüňden ogşaýyn, Diýr Illi, söýip ýaşaýyn, Jan dilberim, bagyşlawer! | |
|
√ Kyrk ýaşa ýüzlenme / Goşgular - 03.02.2024 |
√ "Gitdim senden ilerledip ümzügi..." / Goşgular - 01.01.2024 |
√ Rubagylar / Goşgular - 13.01.2024 |
√ Ynanarmykan? / Goşgular - 30.01.2024 |
√ Şert / Goşgular - 09.02.2024 |
√ Düýşgowuran / Goşgular - 08.04.2024 |
√ Erjellik / Goşgular - 05.01.2024 |
√ Moskwadan görýärler / Goşgular - 30.01.2024 |
√ Alabahar / Goşgular - 21.03.2024 |
√ Dünýe... / Goşgular - 11.02.2024 |
Teswirleriň ählisi: 0 | |