19:14 Ümlük | |
ÜMLÜK
Ümlük! Seniň bütin göwräň ýekeje çümmük, Juda düşnükli sen ähli dilde-de, Juda düşnükli sen ähli millete, Milýard sözi oýlap tapan adamzat, Duýgusyn, gaýgysyn, şatlyk-begenjin Milýard sözi bilen gizläp bilmese, sözläp bilmese, Ynsanyň dadyna ýetişýän sensiň! GÖWHERIM Göwher... Göwher... Göwherim! Gör, men seni näçe ýyllap gözledim, Didäm ýaşlap, jiger-bagrym çäk edip, Aýlanyp Diýaryň şäher-kendini, Hem Geçmişe, Hem-de Geljege gidip! Gijelerne düýşlerimden gözledim, Gündiz hyýal-huşlarymdan gözledim, Köl boýuna gonup hüýre öwrülýän Ertekileň guşlaryndan gözledim. Perimi sen, peýkermi sen, hüýrmi sen?! Dünýäň yklymlaryn, ýurtlaryn söküp, Sen ýaly näzenin gyzy görmedim! Nije ýyllap ahy-zaryňy çekip, Seni tapyp bilmedim men Göwherim! Gör, sen nirde gezip ýören ekeniň! Sen bir ahu gözli jeren ekeniň! Eý, Allam! Maňa niçik bagty bereniň ekeniň, Kerem ekeniň-ow, kerem ekeniň! Eý-ho, arşy aglaň Humaýymy sen, Ýa-da yşk-heseriň Hudaýymy sen? Kerem-keramatmyň, gudratmyň Göwher, Her bakaňda endam-janym jigleýär! Her bakaňda sämäp aýlanýar kelläm! Asmanda sergezdan kometa ýaly, Hem ýanyp, Hem ýakyp-ýandyryp gelýän. Sen melekmiň, melikemiň, hüýrmüň sen, Ataşmyň, çyragmyň, baky nurmuň sen?! Sen ýanymda durmanmydyň ýaňja-da, Eýýäm nädip ýüregime girdiň sen? Dar hanasna sygman çyrpynýan çaý deý Gursagymda ýyldyrymlap dursuň sen!... Nobatguly REJEBOW. | |
|
√ "Garrap ýörünmi ýa men..." / Goşgular - 01.01.2024 |
√ Suwdan ot çykaran goşgy / Goşgular - 31.01.2024 |
√ Ömrümiñ manysy bolmaly zenan / Goşgular - 05.02.2024 |
√ «Отвергнув гордое сомненье…» / Goşgular - 29.02.2024 |
√ Ýogaldy / Goşgular - 05.05.2024 |
√ Tilki bilen üzüm / basnýa / Goşgular - 10.01.2024 |
√ Kyrk ýaşa ýüzlenme / Goşgular - 03.02.2024 |
√ Sowuk söz / Goşgular - 31.01.2024 |
√ Puluň başarnygy barada agymtyl goşgy / Goşgular - 10.01.2024 |
√ "Bagşylara" / Goşgular - 07.02.2024 |
Teswirleriň ählisi: 1 | |
| |