Ýitgi

ÝITGI

Göwne göwünlik bersemem,
Gussasy aram tapanok.
Käte meni menden alýan
Päkize halam tapamok.
Güýzde baglañ goñraslygyn,
Sährañ sary begreslerin,
Geýnip,gussa batan wagty,
Geçen günleñ küýseginde
Dañlañ has kyn atan wagty,
Arzuwlarmyñ süýjiligin
Hakykatyñ ajylygy
Ýeñip, meni köseýärkä,
Ylhamymam:"Göýber" diýip
Ýüregimi gorsaýarka,
Gönenekden dünýä bakyp,
Ýaşamak kyn, düşünsene!
Meni ýene hyjuwlarmyñ
Mekanyna gowşursana!

Belki ýyllar çalyşýandyr
Hyjuwmyzy agraslyga.
Gün-günden has agras bakýar
Göýä, maña bakýan zatlar.
Käte diýýän: "Ýeri besdir
Hany birazajyk şatlan!"
Ýöne maña şatlyk berjek
Sahna,adamlar uzakda
Synan süññümi terk etmän,
Göwün kepderim duzakda.
Goşgulamdan täleýimiñ
Kysmatyny okaýarkam,
Biraz agyr bolýan eken
Özüñi öñünden görseñ -
Ýeri,Günüñ zülplerini
Her säherde örüpmişim,
Gijeler ak ýyldyzlary
Monjuk deýin dörüpmişim,
Aýyñ belent münberinde
Goşgy okap arypmyşym...
Ýöne bulañ bary, heý-de
Öñki joşguna degermi,
Agraslyklardan bogulsam,
Ýaşlyk hyjuwym gelermi?!