Rubagylar

RUBAGYLAR

Şat günüňde, gül geler, gujak-gujak,
Ýöne durmuş nira barýaň, ugur hanjak?!
Kyn günümde goldar diýen hemdemim —
Duýman durkam ýeňseden urdy pyçak.

Diýýärler: “Gepleme, tamda gulak bar”,
Hiç kim ýok diýme, Biribar eşdip dur.
Bak, şeýtanyňam gulagy gapyk däl —
Onsoň neneň, çykan syryň gizlin bor.

Atyň aýagynda görki,
Är ýigdiň gaýraty-erki.
Towşanyň dogduk depesi —
Merdiň watanydyr örki.

• Jelaletdin Rumydan

Yşkdan ýaňa serhoş, gözlerimde ýaş,
Aklym aldyran däl, men bir juwan ýaş.
Haka sežd etmekden büküldi bilim —
Emma ondan gaýra egilmez bu baş.

• A.S.Puşkinden ýatda galan setirler:

Şa Aleksandryň sütüninden beýik,
Söz sungatdan heýkel gurdum, halaýyk.

• XI-XIIasyrda ýaşan, Seljuk soltanlygynyň iň meşhur köşk şahyry Enweriden:

Baý bolsa-da, jomartlyk, pakyrlyk (pespällik) edip bilýän - Adam,
Pälinde ýamanlyk bolsa, şeýtandan özduran - nadan.