Türkmen rysgy köp bolsun

TÜRKMEN RYSGY KÖP BOLSUN

Kursdaşym, häzir halypa mugallym Satybaldy Geldiýewiň gyzy Oguldöndiniň bagt-durmuş toýunda okalan goşgy. Meniň bu şygrym durmuşa çykýan türkmen gyzlarymyza edýän ak arzuwymdyr:

Gyzym, saňa arzuwym:
Elmydam bagt ýar bolsun.
Barýan ýeriň öýüňdir,
Münen atyň gyr bolsun.

Dogsa, ak balaň ady,
Ýatmaz sallançak bady,
Ýakmasyn durmuş ody,
Bagtyň akja gar bolsun.

Är-aýal bir ten, bir jan,
Kynçylyga bermäň ýan,
Çagaňyzam bolsun on,
Miwäň alma-nar bolsun.

Ýaşaň, bileje goşa,
Ýetiň, bagtly ýüz ýaşa,
Gitsin, derdiňiz daşa,
Ähli bela dep bolsun.
Türkmen rysgy köp bolsun!!

9.06.2024 ý.