21:06 "Bütin älem jahan hem..." | |
"BÜTIN ÄLEM JAHAN HEM..."
"Men-menem, men bir Huda..." Baýram Akatow Bütin älem jahan hem, Ýer şary deňdir maňa. Biz bitewi üzňe däl, Hak ýary deňdir maňa. Halk içinde seresi, Ak sakgally töresi, Adamlaryň garasy, Ýa agy deňdir maňa. Köňül köşgüň eýesi, Ýa kapyryň uýasy, Ýyldyz boýly guýusy, Alp dagy deňdir maňa. Arap, ýapon... ýat iller, Ýa saýrasa türk diller, Takrap ýatan şor peller, Gül bagy deňdir maňa. Alaw bolsun, isle gar, Kepderimi ýa-da mar, Dirilikmi, ölüm, dar, Her biri deňdir maňa. Bizler Allanyň güli, Dirimi men ýa öli, Bir gedamy, şol Aly, Deň, bary deňdir maňa. Bu ne gudrat, bilmez pal, Ýarym diýsem erkim dal, Ýokarda sen, deň-ä däl, Ah, şol-a geňdir maňa. Ahmet ARAZOW. | |
|
√ Moskwadan görýärler / Goşgular - 30.01.2024 |
√ Lenç edilen nakyl / Goşgular - 05.02.2024 |
√ Nokat / Goşgular - 28.01.2024 |
√ Nar / Goşgular - 22.04.2024 |
√ Eýdip-beýdip... / edebi ýaňsylama / Goşgular - 12.01.2024 |
√ Salam, Türkmenistan! / Goşgular - 01.01.2024 |
√ Was-wasylara... / Goşgular - 23.01.2024 |
√ Ak buýnuzly ak maral / Goşgular - 01.01.2024 |
√ Perişan kalbyñ umydy / Goşgular - 01.01.2024 |
√ Kyrk ýaşa ýeteniñde / Goşgular - 03.02.2024 |
Teswirleriň ählisi: 5 | |||||
| |||||