Goşgy okap berjekdim

GOŞGY OKAP BERJEKDIM

Syrly sandygyny açyp ýüregmiñ,
Şu gün saña goşgy okap berjekdim.
Bir azajyk içi gysdy günlermiñ,
Şu gün saña goşgy okap berjekdim.

Arsyz gussalardan daşlaşyp biraz,
Guşlaram saýrasa säherler şat saz.
Bogunda säginip, edip käte näz,
Şu gün saña goşgy okap berjekdim.

Setirlerden topbak topbak bent bogup,
Gije bize bakýar aýjäjek dolup.
Ähli işlerimi bir gyra goýup,
Şu gün saña goşgy okap berjekdim.

Duýgy ummanynda acyp ýelkeni,
Gel bir pursat unudaly dertleri.
Wah dertdeşim, dertlerimiñ melhemi,
Şu gün saña goşgy okap berjekdim.

03.08.2019 ý. 22:15.

Şagül DOWADOWA.