Главная » 2023 » Maý » 2 » Sorag
08:28

Sorag

SORAG

Saňa, kitap okap bereýinmi?
Ýüregimde gopýan gowgalar hakda,
Heniz ýazylmadyk romanlar hakda,
Maňa görülmedik rowalar hakda,
Kitap okap bereýinmi?
Ybarat ol, bölek-büçek sahypalardan
hemem şoňa meňzeş hakydalardan.

Saňa goşgy okap bereýinmi?
Aý ýüzün görmedik gijeler hakda,
Jüpüne täk düşen bijeler hakda,
Ýoluna garadyp, giç gelen hakda,
Goşgy okap bereýinmi?
Ybarat ol, sözlermiň gysgalygyndan,
Ýerine düşmedik rifmalarymdan.

Saňa bir söz bereýinmi?
Hiç haçan durup bolmaýan,
Kagyza ýazyp bolmaýan,
Ýürekden syzyp bilmeýän,
Saňa bir söz bereýinmi?
Ol—alamaty dogruçyllygyň,
Emma dosty däldir dogruçyllaryň.

Saňa bir yşk bereýinmi?
Şol sebäpli galdy Mejnun Leýlisiz,
Gurady baglar seýilsiz,
Han-ha, indi, ýeke galan eýesiz,
Yşk bereýinmi?
Ýollaryňa yş bereýinmi
ýagtysyz?
Bir ýylgyryş bereýinmi
bagtsyz?
Категория: Goşgular | Просмотров: 290 | Добавил: ssaparay | Теги: Aýsapar Emelowa | Рейтинг: 5.0/4
Awtoryň başga makalalary

Goşgular bölümiň başga makalalary

√ Nädip ýaşamaly?! / Goşgular - 13.01.2024
√ Çarwa arabyñ söýgüsi / Goşgular - 10.02.2024
√ Aldawçynyñ pañ-pañy / Goşgular - 18.01.2024
√ Sumbaryñ kenarynda / Goşgular - 01.01.2024
√ Şäher merine / Goşgular - 12.05.2024
√ Was-wasylara... / Goşgular - 23.01.2024
√ Suwdan ot çykaran goşgy / Goşgular - 31.01.2024
√ Är garrar... / Goşgular - 30.04.2024
√ Ata-ene hakynda / Goşgular - 18.05.2024
√ Siziñki / Goşgular - 30.01.2024

Teswirleriň ählisi: 11
0
1 Garayolly25  
1449
Gowi goşgy

0
2 Garayolly25  
1449
Ýelena, ýewropa romanlary hakda gowy~gowy makalalar, inçelik bilen analiz edilen synlar goýýardyň.

0
3 Garayolly25  
1449
Türkmen romanlary barada~da şeýle mazmunly makalalary goýup dursaň gyzygyp okardyk.

0
4 Garayolly25  
1449
Roman žanry çeper prozanyň başynyň täji. Ony okaýarsyň, kän bir taýarlykly okyjy bolmasaň mazmundan alyp bilmeýän zatlaryň kän bolýar. Şol ýerde şol okaýan romanyň (epopeýaň) turaly guýçli syn gerekligini duýýarsyň.

0
5 Garayolly25  
1449
Ýelena, seniň goýýan syn-makalalaryň köp ýardam edýär

0
6 ssaparay  
1436
Başga mowzugyň teswirini ýalňyşlyk bilen bäre ýazypsyňyz öýdýän :)))

0
7 Mähriban  
607
Aýsapar, goşgy täzemi?

0
8 ssaparay  
1436
Hawa täze

0
9 Mähriban  
607
Özüň gowy bilýäň, şygyr diýlen zat şeýle bir ynjyk, şeýle bir ynjyk, hatda mendenem beter. Şu tutdummykam diýýäň welin, eliňe ilýäni oýnam setir. Goşgyň 1-2-nji bendini haladym. 3-nji bendem gowy. Ýöne şonda öň ýazan bir goşgyňdaky sözler ýa pikirler gaýtalanýan ýaly gördüm. 4-nji bendiň
Ýollaryňa yşk bereýinmi ýagtysyz,
Bir ýylgyryş bereýinmi bagtsyz
setirlerini has şahyrana gördüm. Berekella, dowam et!

0
10 Aksary  
876
Ýürekden syzyp bilmeýän,
Saña bir söz bereýinmi?

ýüregiñe barmajak söz bereýinmi diýlip eşdilýän ýaly.

Ömrüñ bolsun.

0
11 Gurgencli  
324
Gysgaça: Brawo:)

Teswiri diňe saýta agza bolan ulanjylar goşup bilýär.
[ Agza bol | Saýta gir ]