Главная » 2021 » Oktýabr » 18 » Iki sany goşgy
07:10

Iki sany goşgy

IKI SANY GOŞGY

Men döwtalap däldim kalbyň gyrmaga,
Ilgezikdim bagt bermäge egsilmez.
Höwesjeňlik edip göwnüň görmäge,
Öz göwnümi zyňdym, diýip: “Degsinler!”

Başarşymça yhlas etdim ugruňda
Hem öçürdim öz nebsimiň közüni.
Goltgy tapyp şahyrlaryň şygryndan,
Senli derde ýokuşdyrdym özümi.

Kesp edindim guwanmagy keseden,
Her göremde monça boldum, eseldim.
Boýçy çyksa buza dönen käseden,
“Şol geler”-li umytlarda kösendim.

Ejizländir diýdiň,
Ejizdir diýdiň
Elden gelýän zadym diňe ýazmakka.
Hemem “Söýgiň odam ezizdir” diýdiň.
Ah, ýanmak bar, ýanmak bar...

* * *

UMYT

Ilki ýeri guçdy...
Arlady eýmenç,
Aýylganç bir seretdi-de sowally.
A soň hykylady, harlady eýmenç,
Aýagyny kakdy ýatdy dowamly.

Iň soňunda ýan berdi –
Jan berdi...

Sapa HOMMADOW.
Категория: Goşgular | Просмотров: 350 | Добавил: Pegas | Теги: Sapa Hommadоw | Рейтинг: 4.8/4
Awtoryň başga makalalary

Goşgular bölümiň başga makalalary

√ Meniñ monologym / Goşgular - 01.01.2024
√ Gowy görülen goşgy / Goşgular - 05.01.2024
√ Mähremlikden nyşan sen... / Goşgular - 08.05.2024
√ "Diýdiñ: Gelin bolup görkezeýinmi?.." / Goşgular - 14.02.2024
√ Was-wasylara... / Goşgular - 23.01.2024
√ Bagyşla! / Goşgular - 01.01.2024
√ "Ulag gidip barýar..." / Goşgular - 28.04.2024
√ Aýandyr bary / Goşgular - 17.05.2024
√ Nokat / Goşgular - 28.01.2024
√ Ýasama gül / Goşgular - 15.05.2024

Teswirleriň ählisi: 6
0
1 permanh2206  
960
Ustinlik hemran bolsun.

0
2 Pero  
801
Umyt ölse ýaşap bolmaz-a,Pegas,ýöne "bar bolan" bolarsyñ. Ýaş we gujurly umyt dileýän!

0
3 Myhman0430  
778
iki sany setir

Men döwtalap däldim kalbyň gyrmaga,

bu setir hakynda iki agyz söz:

1. sözlem garşylykly goşma sözlemiň birinjisi ýaly dur. yzyndan ýöne, emma göwnüňe degdim, kalbyňy gyrdym diýäýjek ýaly bolup dur.

2. kalbyny gyrmak söz düzümi türkçe ýaňlanýa. çalyşmak üçin göwnüňe degmäge, göwnüň ýykmaga... we ş.m söz düzümleri kän.

ikinji setir:

Boýçy çyksa buza dönen käseden,

bu iň gowy gören setirim. malades.

umuman Sapa akga erbet ýazanok. goruň egsilmesin. üstünlik.

0
4 mango  
651
men "umydy" haladym...
ölenem bolsa....
(oň ölüsem owadan).
---
ýöne...
ilki ýere ýykylyp "eýmenç arlansoň",
soň ýene-de "hykylap, eýmenç harlamagy"-nda problema bar....

Ilki ýeri guçdy...
Arlady eýmenç,
Aýylganç bir seretdi-de sowally.
A soň hykylady, harlady eýmenç,

eýmenç - aýylgaç -dan soň, soňky eýmenjiň ýerine başga söz tapyp bormydy?

0
5 mango  
651
Men döwtalap däldim kalbyň gyrmaga,
Ilgezikdim bagt bermäge egsilmez.
Höwesjeňlik edip göwnüň görmäge,
Öz göwnümi zyňdym, diýip: “Degsinler!”

"...döwtalap däldim kalbyň gyrmaga", ýagny, islämokdym kalbyň gyrmaga, ýöne gyrmaly boldum diýen ýaly.... şu ýerde "döwtalap däldim" sözi nämeüçin getirildi?
---
"Ilgezikdim" - sözlükde "ilgezEk" eken.
---
"höwesjeňlik" etmegiňem "çeper höwesjeňleri" ýada saldy.... çeper höwesjeňlerem professional däl-dä, nämede bolsa....
---
şu kupletdäki:
döwtalap,
ilgezek,
höwesjeň
- sözleri garyndaş öýdýän.... üçüsinde-de ISLEG, MEÝIL, HÖWES bar....
şondanmyka.... bir zat bar öz-ä....
hany sapa däde, özüň düz kellä-dä agram salym gör hany....

0
6 Gumlygelin  
8
“Şol geler”-li umytlarda kösendim.
Birinji gošguda umyt kösendi.Ikinji gošguda ýan berdi soñra jan berdi.
Setirler täsirli bolupdur.Umytsyzlyk nähimi eýmenç...

Teswiri diňe saýta agza bolan ulanjylar goşup bilýär.
[ Agza bol | Saýta gir ]