Daglañ algyr laçyny men...

DAGLAŇ ALGYR LAÇYNY MEN...

Kapasada dünýä inen,
Daglañ algyr laçyny men.
Emma, diñe göwräm sygar,
Kapasanyñ içine meñ.

Öñde-soñda, owal-ahyr,
Bu dar ýere göwnüm sygmaz.
Baş egmezek bu baş diñe,
Düýşde-huşda daga sygnar.

"Daglar" diýip, daşy ýaryp,
Böwsenimde kapasany.
Zakyja señrigin ýygrar:
"Uçuşyñ göreýin hany".

Öwretmäñ siz uçmaklygy,
Pessaý uçan guşlar maña.
Öwretdi erkin uçmagy,
Kapasada düýşler maña.

Gyzylgül ANNAGYLYJOWA.