Duralgada duran gyz

DURALGADA DURAN GYZ

Ýaşlyk döwründe ynsanda, köplenç ýagdaýda, hyýaly söýgi hem bolup bilýar. Mekdepde okan ýyllarymda meniñ serimde hem hyýaly gyzyñ keşbi bardy. Ol owadan, syratly, inçe bil, gara gözli, goşa õrüm gara saçly, ýüzi nurana, mähirli gyzdy.
1983-njy ýylda Magtymguly adyndaky TDU-inde okaýarkam, okuwdan soñ azyk almak üçin dükana sowuldym. Ol uniwersitetiñ biziñ ýaşaýan umumy ýaşaýyş jaýyndan beýle uzakda däldi. Dükandan çykyp, ýoluñ gyrasy bilen ýõräp gelýärkäm, duralgada üýşüp duran adamlaryñ arasynda egni gyzyl ketenili õz hyýalymdaky gyza çalymdaş gyza gõzüm düşdi. Awtobusyñ geljek ugruna seredip durany üçin ol gyzyñ ýüzüni görüp bilmedim.
Men aýak çekip gyzyñ ýüzüni görmäge çalyşdym. Ićimden "Bir bärsine bakaymaly welin.." diyip oylanýardym. Men onuñ gapdalyna barmak hakda oylandym-da, gyza tarap ýõredim. Yone şol wagt awtobus geldi. Gyz adamlaryñ arasy bilen awtobusa mündi-de gõzden gayyp boldy.
Birsellem duralgada durdum. Şol pursat serimde goşgy setirleri peyda boldy. Men umumy ýaşaýyş jaýyna gelip, serimde peyda bolan setirleri goşgular depderime geçirdim. Ol üç bentden ybarat goşgy boldy. Soñ men Sankt Peterburg dõwlet uniwesitetine okuwa giirdim. 1986-njy ýylda Aşgabada gyşky dynç alşa gelenimde õñki "Yaş kommunist" gazetinde edebiýat birleşmesiniñ bolýandygyny aýtdylar. Mende-de bu edebiýat cäresine gatnaşmak hõwesi dõredi. Birleşmäni Türkmenistanyñ halk ýazyjysy şahyr Nobatguly Rejebow alyp barýar eken. Õzüme gezek gelende täze yazan şygyrlarym bilen 3 ýyl mundan õñ ýazan şol üç bent goşgyny hem okadym. Soñ ol goşgy " Ýaş kommunist" gazetiniñ 1986-njy ýylyñ 22-nji fewralyndaky sanynda çap edildi.
Soñ tomusky dynç alyşda Aşgabada gelenimde Annamuhammet Garaýew atly dostum meni uniwersitete gelip belli aýdymcy Nurýagdy Tokgaýewiñ gõzländigini õz salgysyny hem õý telefon belgisini goýandygyny aýtdy.
Men haýal etman Nurýagdy halypa jañ etdim. Ara kän wagt salman men Nurýagdy agalara bardym. Ol meni gadyrly garşylady hem-de bada bat: "Men saña uniwersitetiñ mugallymymykañ diýsem talyp oglan ekeniñ-ä" diyip degişdi.
Çay-nahar başynda halypa:
-Maña her bendiniñ soñky sõzleri:
-Menin lälam suw almaga gelmezmi?!" diýen setir bilen tamamlanýan goşgy gerek - diýdi.
Men aydymçynyñ sõzlerine onuñ şeyle hayyş bilen ýaş şahyra ýüz tutmasyna geñirgendim.
Ol meniñ geñ galanyma ýylgyryp arkama kakdy-da:
- Men seniñ eýýam bir goşgyñy aýdymam etdim- diýdi.
Halypanyñ bu sõzleri meni õñküden-de geñ galdyrdy. Nurýagdy aga:
- Dõwranjan oglum, getir hany magnirafony - diýip beyleki otaga eşidiler yaly seslendi.
Işikde halypanyñ õzüne meñzäp duran oglanjyk peyda boldy.
- Dõwran janam gowy aydymçy bolup ýetişer diyip - diýip halypa ogluna atalyk mähri bilen seretdi.
Nurýagdy aga magnitafonda täze dõreden aýdmyny gõýberdi.
Gapdaly bilen õzi hem bu aydymy joşgunly aýtdy.
Soñra:
- Nähili bolupdyr?- diýip ýylgyryp sorady.
- Tüýs jüpüne düşüpdir - diýip men gõwnühoş gepledim.
- Üns beren bolsañ seniñ goşgyñ-da birinji setir: "Duralgada duşan gyz" gõrnüşinde-di, "Duralgada duran gyz" diýip üýtgedip aldym. Muña seniñ garaýşyñ nähilidigini bilmek isledim. Garşy dälsiñ-ä, inim?
Men halypanyñ awtoryñ sõzlerine şeyle jogapkärçilikli çemeleşýandigine gõz ýetirdim.
- Elbetde goldaýan- diýip men ikirjiñlenman aýtdym.
Hawa, "Duralgada duran gyz" aýdymyndan bäri 30 ýyldan gowrak wagt geçipdir. Indi bu aýdymy ýaş nesiller hem aýdýarlar . Her gezek şol aýdymy diñlänimde näme üçindir duralgada duran gyzyñ däl-de, aramyzdan ir giden halypa Nurýagdy Tokgaýewiñ mähirli keşbi gõz õñümde janlanýar.

Mämmetgurban MÄMMETGURBANOW.

# garagum_2017