22:24 Onuñ ady kimkä? | |
|
ONUÑ ADY KIMKÄ?
Goşgular
 Şatlygyma şärik, Gaýgyma şärik, Garrylygym bilen ýaşlygma şärik Boljak gyz nirdekä? Duşarka haçan? Onuň ady kimkä? Nämekä käri? Belki-de, ol gyzy gören däldirin, Belki-de, ol çykandyram öňümden. Ýa-da ýalňyz sözi aýtmaly wagty Uýaljyrap geçendirin deňinden. Ýöne meni söýjek şeýleräk gyzdyr: Guwanç bilen bakýandyrlar yzyndan. Şonda kä kişiler çümüp hyýala, Närazy bolýandyr ogul-gyzyndan. Mydam dişleýändir gijeýän dilin Meni söýjek gyzy gören kelçikler. "Şeýle gyz ogluňa bolaýsa gelin" — Arzuwyn edýändir gelin aljaklar. Meni söýjek gyzyň owadanlygy Iliňkiden artyk ýa pesem däldir. Kä oglanlar oňa "Owadan" diýse, Käbiri diýýändir: "Beýle gyz kändir". Şatlygyma şärik, Gaýgyma şärik, Garrylygym bilen ýaşlygma şärik Boljak gyz nirdekä? Duşarka haçan? Onuň ady kimkä? Nämekä käri? Gurbanýaz DAŞGYNOW. | |
|
| |
| √ Men bir ýola... / Goşgular - 12.01.2025 | |
| √ Hatty benewşe, haddy läle, zülpi reýhandyr... / Goşgular - 12.01.2025 | |
| √ Eýledi ýar meni dert ile awara, medet... / Goşgular - 12.01.2025 | |
| √ Bir dem ol dilber jemalyndan yrak olmak ne güýç... / Goşgular - 01.01.2025 | |
| √ Söýlemezlik harjysy söýlemegiň hasydyr... / Goşgular - 04.01.2025 | |
| √ Ýagşy niýetler / Goşgular - 08.01.2025 | |
| √ Bu köňlüm zowrakyn aldy bu gün bir gunça leb gülruh... / Goşgular - 06.01.2025 | |
| √ Dostum, arz et jemalyň, janymyz bolsun fereh... / Goşgular - 04.01.2025 | |
| √ Dil pyrak odunda ýandy, galdy jan hijran era... / Goşgular - 12.01.2025 | |
| √ Kowusnama: Bedew edinmek hakynda / Goşgular - 12.01.2025 | |
| Teswirleriň ählisi: 0 | |