Altyndepe

ALTYNDEPE

Haýsy maksat bizi muña getirdi,
Geçmişimiz öwrenmäge höwesmi?
Onlap ýigit, onlap gözel, asyrlañ
Çuñluklaryn öwrenip ýör höwesli.

Bir o ýandan,
Bir bu ýandan gazýarlar,
Düýnki günden bir nyşanjyk agtaryp.
Altyndepäñ hazynaly goýnunda,
Bu günden barýarlar düýnüne tarap.

Sährañ ýüzün sypap öwüsýän şemal,
Howasyn getirýär geçen asyrlañ.
Biziñ eramyzdan owalky asyr,
302-nji ýyl,
Beýan et syrlañ!

Hany?
Ol ozalky güllän medeniýet,
Gadymy Urartu, Mesopotamiýa!
Neçün bozulypdyr gözel diwarlar,
Soñlanmaýan uruşlaryñyz barmy ýa!

Bize syryñy aç,
Gadymy depe!
Syr ýüzüñden asyrlaryñ perdesin.
Geçmişinden,
Şu gününden öwrenip,
Döretmeli biz dünýäniñ ertesin.

Aýsoltan JEPBAROWA.

"Edebiýat we sungat" gazeti, 05.06.1987 ý.