Gyz ýüregi

GYZ ÝÜREGI

Gyz ýüregi ýalynlaýan, alynmaýan daş gala,
Ýol ýok dawa-jenjeliñe
Emeliñe baş gala!
Ýeñmersiñiz gözelleri, goşun sürüp, il bolup,
Ýeñmegiñiz mümkin ýöne, hile bolup, al gurup.

Ýeñmersiñiz gözelleri, desse-desse pul berip,
Ýeñmegiñiz mümkin ýöne, desse-desse gül berip.
Ýalbaryp ýa haýyş edip, ýetjek bolma bagta sen,
Ýöne, belki ýetmek mümkin, ugrun tapyp magtasañ.

Ýeñersiñem, ölüp-öçüp alarsyñam galany,
Ýöne soñ ondan çykmagyñ ýokdur hiç bir alajy.
Wah, ýigitler öwünmäñ siz: "Ýeñdik" diýip, ýeser gülüp,
Düşünseñiz, şol galada galansyñyz ýesir bolup!

Kadyr MYRZALYÝEW,
gazak şahyry.