POEZIÝA
Poeziýa atly, eý, äpet çynar,
Gowgaly ýellere başyň yraýaň.
Seň baryňda köňül kalbym tolgunýar,
Köşeşdirip, özüň ot dek köreýäň.
Poeziýa atly, eý, äpet deňiz,
Möwç urup holtumlap, güwläp göçýärsiň.
Tolkunyp, tolgunyp, köňüller içre,
Durmuşy joşduryp, şugla saçýarsyň.
Poeziýa atly, eý, köşgi-eýwan,
Pyragy paýhasdan çemeniň bogan.
Jadyly dürmi sen, heserli dessan,
Şahyr paýhasyndan dünýä aşýarsyň.
Poeziýa — seniň gudratyň täsin,
Sähel zatdan uçgun alýaň, köreýäň,
Seň baryňda göwnüm göge galyp dur,
Haýran men
— gursakda nädip döreýäň?!
Maral ANNAÝEWA.
|
