Главная » 2020 » Aprel » 13 » Sen hemişe gara meniñ ýoluma!
11:20

Sen hemişe gara meniñ ýoluma!

SEN HEMIŞE GARA MENIÑ ÝOLUMA!

Men kän ýerde ýüregiňi duýaryn,
Men bar zatda düşünerin halyňa.
Ömrümi yşkyna girew goýanym,
Duýgularym alyp barar ýanyňa,
Sen hemişe gara meniň ýoluma!

Asman tüme dönse, ýyldyzlar öçüp,
Baglara gyş gonsa, guşlary uçup,
Ynan, geler diýip, bar zatdan geçip,
Şol ynamyň alyp barar ýanyňa,
Sen hemişe gara meniň ýoluma!

Kinniwanja şatlyk bolsam gussaňa,
Zemin göwnüm telwas eder Asmana,
Menziller kär etmez bagra basmaga,
Söýgim meni alyp barar ýanyňa,
Sen hemişe gara meniň ýoluma!

Bu bir durmuş, käte dünýäň daralsa,
Üşeseň, ýyljajyk mähre zar bolsaň,
Men ýeterin, şu jahanda bar bolsam,
Söýgim meni alyp barar ýanyňa,
Sen hemişe gara meniň ýoluma!

Gülşirin HANOWA.
Категория: Goşgular | Просмотров: 983 | Добавил: Hаwеrаn | Теги: Gülşirin Hanowа | Рейтинг: 4.8/4
Awtoryň başga makalalary

Goşgular bölümiň başga makalalary

√ Perişan kalbyñ umydy / Goşgular - 01.01.2024
√ Dünýe... / Goşgular - 11.02.2024
√ Rubagylar / Goşgular - 13.01.2024
√ Hasap / Goşgular - 18.02.2024
√ Lenç edilen nakyl / Goşgular - 05.02.2024
√ "Gelin jan..." / Goşgular - 26.03.2024
√ Gökdepäm / Goşgular - 22.03.2024
√ Ýogaldy / Goşgular - 05.05.2024
√ "Garrap ýörünmi ýa men..." / Goşgular - 01.01.2024
√ "Diýdiñ: Gelin bolup görkezeýinmi?.." / Goşgular - 14.02.2024

Teswirleriň ählisi: 14
0
1 Akjemal  
243
gowy gosgy eken. soygi temasynda gaty gowy gosgylary bar sahyryn. gazetlerin birinda ady belli habarcydygyny esitdim smile

0
2 Akjemal  
243
selbi howwa Turkmenistanly. dasary yurtla menzeyanmi

0
3 ezizh764  
356
Baran ýeriñ "gap-çanak"...

0
4 Nowgül  
371
Gülşirin gowy ýazýar. Ýazanyňam ýetireniňem ellerine saglyk!

-1
5 Мylayym  
83
Gülşirin Hanowa ajaýyp goşgulary bilen tanalýan, zehinli zenan. Onuň "Ejem bolsa ýanymda" diýýän goşgusyny gowy görýän hasam.

0
6 Nurdan  
100
Gülşiriniñ goşgylaruny halap okaýan. Zenan şahyrlardan Ilki ilkiler mekdep dõwürlem Annasoltan Kekilowañ, Oguljemal Çaryýewañ, talyp dõwürlemiz Şähribossan Geldimammedowanyñ ondan soñraklar bu internet bilen aram ýokka, internet diýen kesel maña ýokuşmanka dogrysy gazet jurnallardan Gülşiriniñ goşgysyny tapsam zer tapan yaly begenerdim.
Soñ internet diýen kesele uçramsoñ-a kõplenç goşgylaryny paýlaşardymam. "Ejem bolsa ýanymda" goşgysynam paýlaşypdym bolmaly kitapcy.ga saytda.

0
7 Pegas  
98
Gülşirin goşgyny alyp gidip bilse, gowy ýazýar. Ýöne baýramçylyklarda düşürilýän türkmen filmleriň ssenarilerini hem ýazyp başlapdyr welin, ne many bar, ne maňyz. Urdumyşlamak gowy zat däl döredijilikde. Her nahary bir çomçalanyňdan bir nahary конкретно iýeniň gowy dälmi näme?!

0
8 Hаwеrаn  
245
@Pegas, şü "ykrar edildim" diýen bir bolgusyz kesel bar käbirlerinde. "Şa serpaýyny aldym, boldy indi ýetjek derejäme ýetdim" diýip, käbirleri özlerine asla tankydy bellik edilmelidirem öýdenoklar, ýazýan her bir zadynam kämil bir zat hasaplaýarlar, muny "üstünlIkden" başy aýlanma hasap edýärin. Muny Güşşi barada ýa-da diñe Güşşi barada aýdamok, umuman aýdýan.

0
9 Hаwеrаn  
245
Nobel baýragynyñ eýesi Orhan Pamugyñ kitaplarynyñ birinde "Ymam ikindin sagady gelende, metjidiñ balkonyna çykyp, ikindin azanyny okady" diýen jümle bar. Orhan Pamugyñ öz halkynyñ medeniýetinden nähili habarsyzdygyna ünsi çekip türk taryhçysy Ilber Ortaýly şeýle tankydy bellik edýär:
"Ol diñe iñlisçe däl, türkçänem bilenok. Sebäbi:
Birinjiden, namazyñ sagady ýok, wagty bar. Sagat b.n wagt hersi aýry many berýän söz.
Ikinjiden, minaranyñ balkony ýok şerefesi (basgançagy, pellekesi) bar. Üstesine azan basgançaga çykylyp däl-de metjidiñ içinden okalýar.
Üçünjiden, azany ymam däl, muezzin (azançy) okaýar".

0
10 Hаwеrаn  
245
Onsoñ şü oñarsa oñarmasa halkyñ dilini bilmezden, halky tanamazdan senariýa diýdi drama diýdi ýapyşyberseler... ýañky ýaly görnüş orta çykyberýär. Aýdýan telefilmleriñde halkyñ durmuşyna degişli zat ýok ahyryn. Onsoñ nädip olarda many-müjre bolsun.

0
11 Hаwеrаn  
245
Elbetde, synanşyk gowy zat. Zehiniñi dürli žanrlarda synabermeli. Emma "meýdanyñ" boşlugy, bäsdeşligiñ ýoklugy her synanşan zadyñy ile hödürläbermekligi añlatmaýar.

0
12 Hаwеrаn  
245
Yen 50 ýyldan, 100 ýyldan soñ özüñe, yazan zatlaryña beriljek bahadan utanmaly. Bu gun mynasyp tankydyñ ýoklugy ertir bolmajaklygynyñ alamaty dal. Wagt diyenem bir yowuz tankytçy bar, ol kimligiñe, alan bayraklaryña garamazdan öz eleginde eläp taşlaýar.
Bilemok ýöne, "şu günüñ beren şöhraty b.n yaşasam bolýa, erte kim name diyende name..." diyip, özüñi bir ýola salyp yaşasañ onda başga gûrrüñ..

0
13 Pegas  
98
Ana, men şoňa gynanýan, agam. Zehinliler şöhratparazlyga ýykylyberse...

0
14 937303taze  
279
Aylaw kopow Has akga sende cool biggrin

Teswiri diňe saýta agza bolan ulanjylar goşup bilýär.
[ Agza bol | Saýta gir ]