22:04 Söwer ýar kaýda barar sen?! | |
SÖWER ÝAR KAÝDA BARARSEN?!
"Güljemaly zar agladyp, Agajan, kaýda barar sen?!" "Şasenem-Garyp" dessanyndan. Sözle ýüregmiñ tussagy, Bu nar kalbyñda gussamy, Täleý ne beýle gyssady, Söwer ýar, kaýda barar sen?! Hyrkamy egne geýeniñ, Goýduñmy ykbal beýemiñ, Ýalan boldymy söýeniñ Söwer ýar, kaýda barar sen?! Alys ýoly saýladyñmy, Gahryñ bilen gaýnadyñmy, Ya men beter aýnadymmy, Söwer ýar kaýda barar sen?! Derdinip öz-özüm bilen, Dileg saldym gözüm bilen Kaknus dek ýak kõzüñ bilen Söwer ýar, kaýda barar sen?! Didämden halym añmadyñ, Jigermi yşga dagladyñ, Gülşirini zar agladyp, Söwer ýar, kaýda barar sen?! Gülşirin HANOWA. | |
|
√ Hasap / Goşgular - 18.02.2024 |
√ Ynanarmykan? / Goşgular - 30.01.2024 |
√ Dünýe... / Goşgular - 11.02.2024 |
√ Kyrk ýaşa ýeteniñde / Goşgular - 03.02.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Atsyz goşgy / Goşgular - 31.01.2024 |
√ Owadan pyçak hakynda erteki / Goşgular - 09.04.2024 |
√ Hakyky şahyr / Goşgular - 08.05.2024 |
√ Meniñ monologym / Goşgular - 01.01.2024 |
√ Eýdip-beýdip... / edebi ýaňsylama / Goşgular - 12.01.2024 |
Teswirleriň ählisi: 15 | ||||||||||||||
| ||||||||||||||