09:39

Ýene özümde galdy

ÝENE ÖZÜMDE GALDY

Hyýalbentdim, arzuwçyldym, çagakam,
Ynanýardym aşjagyna amala. 
Bilemokdym puç bolýanny yhlasyň, 
Hasyl bermän, gelmän galşyn kemala.

Öz ugrunda kän ylgatdy arzuwlar, 
Juda golaý, el ýetmäge säheldi. 
Surnukdyryp, nesip däldi her gezek, 
Çilelimi ýa duşmadyk sähedi.

Hyýalbentlik galdy ýene özümde, 
Saklap ony kem görmedim goldanmy. 
Derdim gozgap, dyrmasa-da ýaramy, 
Göwni aldap, ýaşadýanam şol dälmi?!

Hyýalymda ýetip bilýän islegme,
Kemin goýman çykýan göwün solpudan. 
Pes bagtymyň çür başyna çykaryp, 
Tabyn bolýar sepil edip selpeden.

Duýgularym bagt kölüni boýlaýar, 
Ýazan zadym ger okanyň hoşuna. 
Gözi gidip beýle çüwmek bardygna, Ynanýarlar başa gonan guşuma.

■ GITMEGIM GEREK

Gözüm ýetdi gerekdigne gitmegiň, 
Besdir eglenenim, ýitiren wagtym. 
Ýüz bermese günäleme, nalama, 
Ýüz tapmasa durmaz säginen bagtam.

Bagly bolmasa-da gadryň saklamak, 
Bigadyr bolmakdan saklansa bolar. 
Buýsanjyň meňziniň solanny görmek, 
Aldanan umydyň gursagyn diler.

Kemsinmeklik sarsgyn salar mertebä, 
Göwne çümer öz döwügniň gyýçagy. 
Mähre suwsap, ot owurtlan ýüregiň, 
Ýalyn bolup, dilden çabrar diýjegi.

Rozygül ÝAZHANOWA.

Категория: Goşgular | Просмотров: 392 | Добавил: Нawеran | Теги: Rozygül Ýazhanowa | Рейтинг: 4.0/2
Awtoryň başga makalalary

Goşgular bölümiň başga makalalary

Başlyk hakynda ballada / Goşgular - 29.01.2023
Истина / Goşgular - 02.01.2023
Üzärlik / Goşgular - 06.01.2023
Deprem / Goşgular - 13.02.2023
Мона Лиза / Goşgular - 09.02.2023
Duralganyň ýanyndaky agaç / Goşgular - 08.01.2023
«Если б в сердце тебя я не грел, не ласкал…» / Goşgular - 18.01.2023
Şol gün diýsene!.. / Goşgular - 07.01.2023
Duýgularym / Goşgular - 10.02.2023
«Тихо вечерние тени…» / Goşgular - 02.02.2023

Teswirleriň ählisi: 0
Teswiri diňe saýta agza bolan ulanjylar goşup bilýär.
[ Agza bol | Saýta gir ]