Durmuş aldy onuň küregin

DURMUŞ ALDY ONUÑ KÜREGIN

Pelek gyrypdyr ol guşuň ganatyn,
Alypdyr ondan iň mähriban zadyn.
El açyp dileýär beýik Alladan,
Içden gaýtalaýar her gün oň adyn.

Özüne güýç, iman diläp gidene,
Gussadan, hasratdan doly ýüregi.
Günlerin çäresiz geçirýär bir-bir,
Çünki durmuş aldy onuň küregin.

Daşdan görünse-de şadyýan, bagtly,
Aglaý-aglaý, ötürýär her gijesin.
Aglamaz ýalymy, heý, bu täleýe!
Sebäp aldyrdy ol mährem ejesin...

Annagurban ANNAGURBANOW.