"Söýgi oýunlaryny oýnaýan aldawçylary" anyklamagyñ ýollary

BARLAGÇYLAR INTERNETDE "SÖÝGI OÝUNLARYNY OÝNAÝAN ALDAWÇYLARY" ANYKLAMAGYÑ ÝOLLARYNY SALGY BERÝÄR

"Harby temanyñ" aýratynam söýgi oýunlaryny oýnamakda ýygjam gaýtalanýandygy görüldi.
Aldawçylaryñ esasanam 35-54 ýaş aralygyndaky aýallary nyşana alan erkeklerdigine ynanylýar. (Pixabay)

Alymlar kiber jenaýarlara garşy taýýarlykly bolmak üçin flirt ulgamlarynda we internetdäki "söýgi oýunlaryny oýnaýan aldawçylaryñ" sereşleýän düýpli şahsy aýratynlyklaryna ünsi çekdi.
Şotlandiýanyñ Albertaý uniwersitetinde geçirilen barlagda şu ulgamlary ulanyp, özgeleri aldamaga synanyşýan adamlaryñ aldanýanlar bilen üç tapgyrda aragatnaşyk saklaýandygy anyklandy.
Heniz suduñ oñlamagyndan geçmedik we "ArXiv" internet saýtynda çap edilen maglumatlara görä aldawçylar ilkinji nobatda ulanyjylar bilen gep-söz alyşýar, yzyndan olar bilen wirtual set gatnaşygyny güýçlendirmäge çalyşýar. Soñra olaryñ şeýle wirtual gatnaşyga ruhy taýdan örklenmegini gazanmaga synanyşýar.

Aldawçylaryñ köpüsi pul ýa-da gizlin maglumat soramaga diñe kezzaplyklarynyñ soñky tapgyrynda aldanýanlar özlerine ruhy taýdan doly örklenenden soñ başlaýar.
Aldaw toruna düşenleri soraýan zatlaryny tapyp bermäge yrza etmek üçinem köplenç garawsyzlyklaryny ýa-da maddy kömege duýýan gyssagly mätäçligini nygtaýan ynandyryjy dil ulanýar.

• Birnäçesi özüniñ harby gullukçydygyny aýdýar

Barlagyñ dowamynda köp sanly aldawçynyñ harby gullukda jogapkärli wezipelerde ýa-da howply tabşyryklarda işleýän ýaly görkezýändigi anyklandy. Şeýle "harby temanyñ" aýratynam söýgi oýunlaryny oýnamakda ýygjam gaýtalanýandygy görüldi.
Şeýle ýagdaýlarda aldawçylaryñ galp medisina ýa-da derñew situasiýalaryny öñe sürüp, gezelenç etmeklerine we aldaw toruna düşürenleri bilen tanyşmaklaryna mümkinçilik döretjegini aýdýan nyrhlary üçin pul soraýandyklary belli boldy.
Şol sanda aldanýanlary manipulirlemek we wirtual set gatnaşyklarynyñ hakykydygyna bolan ynamlaryny güýçlendirmek üçin tilsimler-de anyklandy.

Bularyñ arasynda gönümel ýa-da şahsy soraglary bermek, aldanýanlara kompliment bildirmek, gulaga ýakymly atlary dakmak ýa-da söýýändigini şahyrana dil bilen beýan etmek ýaly ýollar bar.
Aldawçylaryñ aldaw toruna düşürenleriniñ garşysyna nähili keşpde we profilde çykýandygy bolsa ýurduna görä üýtgeýär.
Barlagçylar birnäçe italýan profiliniñ emläkçi obrazyna girýändigini, Filippinlerde bllsa esasan satyjy tüýsüne girýändigini anykladylar.

• Durmuşyñyzy püçege çykaryp bilerler

Flirt ulgamlarynda ýa-da sosial mediýada ulanyjylar bilen ruhy ýakynlyk saklaýan aldawçylar nyşana alan adamlarynyñ durmuşyny çepbesine çöwrüp taşlajak derejede öte geçip bilýärler.
Käbir aldanýanlar añyrsyna atan ähli pul-pejini giderýär ýa-da bergä batýar, käbirleri-de şantaža ýa-da identifikasion ogurlyga duçar bolýar.
Aldawçylar köplenç aldanýanlardan pul ýa-da şahsy maglumatlar ýaly aýratyn maglumatlary soraýar.
Täze geçirilen barlagda doktor Lindseý Şeperd we onuñ topary flirt aldawçylygynyñ üstünde durup geçýän 200-den gowrak makalany gözden geçirdi. Bularyñ arasyndan saýlanyp alnan 44 sany ylmy makalanyñ gelen netijelerini öwrenýän topar aldawçylaryñ umumy aýratynlyklaryny we ulanýan tilsimlerini kesgitlemäge synanyşdy.

Lindseý Şeperd

"Söýgi oýunlaryny oýnaýan aldawçylar soñky on ýylda barha köpeldi" diýen Şeperd: "Kowid-19 pandemiýasy-da kiber jenaýatlaryñ we hüjümleriñ köpelmegine sebäp boldy we hasam ýaramazlaşdyrdy" diýip, sözüniñ üstüne şuny goşýar: "Makalamyz şu boýunça geçiriljek başga barlaglar üçinem badalga bolup hyzmat edip, giñ gerimli nukdaýnazar hödürleýär".

# The Independent, TechXplore, Daily Mail.

Taýýarlan: Çagla ÜREN.

Sişenbe, 18.04.2023 ý.