Главная » 2021 » Oktýabr » 5 » Günäsi ne?
11:52

Günäsi ne?

GÜNÄSI NE?

Köp azaşdym bu ýollarda
Ýollaryň günäsi ne?
Ömrüm sowruldy ýellerde,
Ýelleriň günäsi ne?

Ykbalyň küle çökende,
Külleriň günäsi ne?
Arman etme öten güne,
Günleriň günäsi ne?

Guba-gaz gonmasa köle,
Kölleriň günäsi ne?
Ar-namys satylsa pula,
Pullaryň günäsi ne?

Ýazygym köp, ýalňyz başym,
Illeriň günäsi ne?
Ýaralydyr göwün guşum,
Nilleriň günäsi ne?

Bükülipdir inçe biller,
Billeriň günäsi ne?
Göwün sözün diýer diller,
Dilleriň günäsi ne?

Ömür geçer, geçer ýyllar,
Ýyllaryň günäsi ne?
Gubura gum sürer piller
Pilleriň günäsi ne?

Hydyr AMANGELDI.

çeşme: http://www.ekizler2.com/

Категория: Goşgular | Просмотров: 285 | Добавил: mango | Теги: Hydyr Amangeldi | Рейтинг: 4.0/5
Awtoryň başga makalalary

Goşgular bölümiň başga makalalary

√ Lenç edilen nakyl / Goşgular - 05.02.2024
√ Tazy / Goşgular - 30.01.2024
√ Ak buýnuzly ak maral / Goşgular - 01.01.2024
√ Salam, Türkmenistan! / Goşgular - 01.01.2024
√ Aýandyr bary / Goşgular - 17.05.2024
√ Düýşgowuran / Goşgular - 08.04.2024
√ Erjellik / Goşgular - 05.01.2024
√ Sumbaryñ kenarynda / Goşgular - 01.01.2024
√ Şert / Goşgular - 09.02.2024
√ "Garrap ýörünmi ýa men..." / Goşgular - 01.01.2024

Teswirleriň ählisi: 3
0
1 mango  
651
soraşman goýanym üçin awtordan ötünç soraýan.
habarlaşyp bilmedim.
goşgyny halamsoň, paýlaşaýyn diýdim.

1
2 Bagabat  
43
Bet ekeni. Soraşman goýanyňa-da, ýaýradanyňa-da gaýtalap okanyňa-da degýär.

Şu iki ýeri hasam täsirli:

Ýaralydyr göwün guşum,
Nilleriň günäsi ne?

Gubura güm sürer piller
Pilleriň günäsi ne?

0
3 Bagabat  
43
Şu goşgyň şu aşakdaky topbagy:

Ömür geçer, geçer ýyllar,
Ýyllaryň günäsi ne?
Gubura güm sürer piller
Pilleriň günäsi ne?

Gadymy runy harpynda ýazsaň, şu görnüşde bolýan ekeni:

ᛟᛗᚢᚱ ᚷᛃᛇᚱ ᚷᛃᛇᚱ ᛁᛚᛚᚨᚱ
ᛁᛚᛚᚨᚱᛁᛜ ᚷᚢᚾᚨᛊᛁ ᚾᛇ
ᚷᚢᛒᚢᚱᚨ ᚷᚢᛗ ᛊᚢᚱᛇᚱ ᛈᛁᛚᛚᛇᚱ
ᛈᛁᛚᛚᛇᚱᛁᛜ ᚷᚢᚾᚨᛊᛁ ᚾᛇ

Teswiri diňe saýta agza bolan ulanjylar goşup bilýär.
[ Agza bol | Saýta gir ]