|
GYŞ
Zemin gyz gelinlik lybasyn geýip,
Oýanypdyr ukusyndan ak daňlar.
Ýer bilen asmanyň nikasyn gyýyp,
Adamlar gyş bagşyň aýdymyn diňlär.
Ýaňy doglan çaga deýin ýalaňaç
Agaçlar gar arlygyna dolanar.
Ak arzuwlar bilen sanap sanawaç,
Ýatlamalar çagalygma dolanar.
Gar adam ýasapdyk ýadyňda bolsa,
Sen bezzat oň käşir burnun iýipsiň.
Men şonda öýkeläp:”Şu günden şeýläk,
Seniň bilen oýnajak däl” diýipdim.
Bu şeýle-de boldy,biz şondan soňra
Oýnamadyk ak gar ýa gizlenpeçek.
Sen ileri gitdiň,men bolsa gaýra
Çagalygam gitdi deňimden geçip.
Ýyllar soňra ajaýyp bir gyş güni,
Sen ak atly şazada deý sataşdyň.
Zemin bile toýuň lybasyn geýip,
Biz söýgide ýalyn bolup tutaşdyk.
...Her gezek gelinlik lybasyn geýnen,
Dünýä bilen ýaşlygyma dolanýan.
Gyş gelse, begenýän hem tukatlanýan
Ah,her gyşda ýene bir ýaş ulalýan.
Meñli AŞYROWA.
|
Категория: Goşgular |
Просмотров: 374 |
Добавил: Jumjume
| Теги: Meñli Aşyrowa
| Рейтинг: 0.0/0 |
Awtoryň başga makalalary
Goşgular bölümiň başga makalalary
Teswirleriň ählisi: 2 | |
0
Bu ýerde mowzuklara like goýup bolonokmy?
|
|
|
|