Ykbal

YKBAL

Ykbal!
Nirede seň
adalat ýoluň?
Ýöräýin, gideýin şol ýoluň bilen,
Nazar sal,
rehm eýle,
galdyr-da golum,
Teselli ber, gitmäýin, sagu-sol bilen!

Azaşdyrma, menzil aşan kerwenim,
Ümürli daglaryň, ýoly bulaşyk,
Aýlasaň-da "durmuş" atly çarhyňy,
Indi beri büdremäýin çolaşyp! ...

■ Bar meniň dünýäm...

Göräýmäne düzüw ýaly dokuzym,
Şonda-da, dünýämi duman gaplaýar,
Oda urnan perwana dek ýüregim,
Gobsunyp, ornundan orun tapmaýar.

Syrdaşym tutunyp, kagyz-galamy,
Paýlaşsam-da, ýüküm ýeňläbermeýär,
Otly deýin geçip giden günlermiň,
Ýatlamasy kalba maza bermeýär.

Ýogsa, şükür, geçdi, ýowuz günlerim,
Gözýaş döken günlem geçdi bireýýäm,
Gussalardan saplan, mähire gaplan,
Ilim bar, Günüm bar, bar meniň dünýäm...

Mylaýym.