GOÑŞULARYM BAR MENIÑ
Arkalaşyp özara,
Gerek zadyň sorara,
Gitsem öýüm gorara,
Goňşularym bar meniň.
Käte çyksa zeruryň,
Soraý, kelte etmez diliň,
Daňmana boşan malym,
Goňşularym bar meniň.
Sen ýoksuň, myhman geler,
Gelinçäň öýne salar,
Hormatym göge galar,
Goňşularym bar meniň.
Käte öýşüp çaýlaşýan,
Oý-pikirim paýlaşýan,
Gollaşyp menzil aşýan,
Goňşularym bar meniň.
Açyk, öýüm onuňky,
Onuň öýi meniňki.
Toý günde myhmanyňky,
Goňşularym bar meniň.
Goňşokaram datlydyr,
Kesilmez, nobatlydyr.
Egsilmez hormatlydyr,
Goňşularym bar meniň.
Aşyr SALYH OGLY.
|
