Ýat bolup barýañ-la, didäm!

ÝAT BOLUP BARÝAÑ-LA, DIDÄM!

"Günler geçýär sensiz, mensiz
Indi sen başga, men başga.."
Atajan Tagan.

Ýat bolup barýañ-la didäm,
Bu aýralyk kysmatymmy?!
Duwlanyp derdine gijäñ,
Gara bagty gyssadymmy?!

Nämeler bolýar dünýä-de
Bašy ayak, ayagy baş.
Aklym çatmaz düşünmäge
Sen hem golay hem juda daş.

Menzilmi bu ara düşen,
Ýa ýyllar çapmyş atyny.
Gowşurmazmy günler üýşen,
Gõwnümiñ salam hatyny.

Arkada yşka garylan,
Süýji pursatlañ dady bar.
Bagtdan "ýüregi ýarylan"
Goşgylam senden ýadygär.

Ýa sen çõken gussadyñmy,
Gelmişem sõýgimi idäp.
Bu aýralyk kysmatymmy
Ýat bolup barýañ-la, didäm!

Gülşirin HANOWA