Duşuşyk

DUŞUŞYK

Ölüp-öçüp barýan duýgulam señki,
Mähriban, hyrçymy dişletme maña.
Yşk uran dünýämde galypsyñ ilki,
Küýsegli didelem ýaşlatma maña.

"Sag bol" diýýäñ, "Gitme" diýip bolanok,
Ýüregimiñ hasratyny duýup git.
Janymdan ezizläp, adam perişdäm,
Ol hasratly ýüregiñi goýup git.

Nirede gizlendiñ şu wagta deñiç,
Ýa bukuldym oýnap, gökden indiñmi?!
Boýnyýogyn bagtym, özüñ güjeñläp,
Ykbalyma owsun atýan sildiñmi?!

Sen öýüñe, men öýüme ýetmeli,
"Sag bol" diýýäñ, "Gitme" diýip bolanok.
Men señki, sen meñki, biz goşa ykbal,
Söýgi öýümizi sorap gelenok...

Hurma ATAJANOWA.