Saña...

SAÑA...

Yşkmy sen ýüregmi ýakyp eleýän
Müşkmi sen güzerne anbar dileýän
Bir ömürlik kalp törüni eýelän
Kimim sen?

Owazmy sen kakyp giden yüregmi
Şemalmy sen aldyň göwün daragmy
Bent eýlän özüne goşa garagmy
Kimim Sen?

Geljegimem maksadymda bir meniň
Düýşe meňzäp durmuşyma girenim
Ýüreklermiz goşa boldy birigip
Kimim sen?

Ikimize bagt dilesin «Akmaýa»
Aýdyň ýoldan bagt ýoluna çykmaga
Arzuwlam deý ornaşypsyň ykbala,
Ezizim!!!

***

Aýsyz gije azaplara duwlanyp
Sabryňy suw eden melegiň däl men.
Aýdym aýtsa leýlisaçlar towlanyp
Astynda garaşan dilegiň däl men

Men däl jahyllygyň jöwherin alan
Sataşmadym bälçikligiň çakynda...
Gözlem gözelligňe hyrydar bolar
Nazarlaryň  ýyldyrym deý çakanda

Seni däliligiň kaddyna elten
Bagryň dilen goşgularyň maňa däl
Takdyra seýleräk ýazlandyr belkem
Yşk güzerne talaň salmak ýaňadan

Men bir undulan gül demirgazykda
Durun yşky paýawlaýan çyzykda...

Ogulnur PIRJIKOWA,
Türkmen döwlet maliýe institutynyñ talyby.