13:56 Aglama! | |
|
AGLAMA!
Goşgular
Dert dogmaň bagryny elek deý eläp, Ýatybersin hesret çekip igleme. Uzak gije başujymy eýeläp, Mähribanym, maňa bakyp aglama! Soňky günler tebil tapyp joşamok, Günleň dükürdisi gulagmy deşýär. Bu adamlaň arasynda ýaşamak, Eje, maňa kyn düşýär. Arzym bardyr, gama batman sen şu hal, Didelerňi didelerme dik hany. Bäş çagaň içinde juda bikemal Doglanym üçinem bagyşla meni! Seret, bilbil owaz edýär bag içre, Huşy göçen söwütleri güýmeýär. Baga gonup gelen bir süri serçe, Arman, ony saýramana goýmaýar. Ynha, geçip giden iki müçede Ömri biweç pursatlara çüýledim Hem ýaşlygy al-arwahyň köçede Maňa salan aly hasap eýledim. Soňky günler tebil tapyp joşamok, Günler bolsa dert üstüne dert goşýar. Bu adamlaryň arasynda ýaşamak, Eje, maňa kyn düşýär! Şähribossan GELDIMÄMMEDOWA. | |
|
| |
| √ Bir dem ol dilber jemalyndan yrak olmak ne güýç... / Goşgular - 01.01.2025 | |
| √ Söýlemezlik harjysy söýlemegiň hasydyr... / Goşgular - 04.01.2025 | |
| √ Lolular / Goşgular - 08.01.2025 | |
| √ Şaglawuk / Goşgular - 02.01.2025 | |
| √ Ýar laglyň arzuwlar men, jana bereý sen şypa... / Goşgular - 06.01.2025 | |
| √ "Ýene-de daň atdy..." / Goşgular - 01.01.2025 | |
| √ Ýagşy niýetler / Goşgular - 08.01.2025 | |
| √ Dostum, arz et jemalyň, janymyz bolsun fereh... / Goşgular - 04.01.2025 | |
| √ Rubagylar / Goşgular - 10.01.2025 | |
| √ Dünýä maňa aşyk bolsun! / Goşgular - 07.01.2025 | |
| Teswirleriň ählisi: 3 | |
|
| |
0
