Bagtlylyk

BAGTLYLYK

Hiç birinden kem etmändir ykbalyñ,
Şonuñ üçin sen dünÿäde bagtlysyñ.
Şükür gowluklary görÿär gözleriñ,
Şonuñ üçin sen dünÿäde bagtlysyñ.

Diÿmegin ugruna bolanok meñki,
Özüñden başlanÿar hemmesi ilki.
Asuda parahat gezÿärmiñ çünki,
Sonuñ üçin sen dünÿäde bagtlysyñ.

Bagty özüñ yhlas bilen gazanda,
Sabyr bilen päklik bilen bezende.
Sag-aman ÿaşap sen ÿeriñ ÿüzünde,
Bagtlysyñ, bagtlysyñ, duý sen bagtlysyñ!

■ Ejeme

Agyrtma başyñy yazma indi şygyr,
Diýýärsiñ dözmän geñ görip halym.
Gyzyñ bolsa wah ejejan bu dünýäm,
Giňeýär men şygyr yazan mahalym.

Nahalyň men ösüp yetişen miwäň
Alma agajyndan daşa düşermi?
Seniň söýgüň, mähriň bilen şinelän
Ruhy dünýäm sözden aşa düşermi?

Duşarynmy menem kalbymda beslan
Arzuw hyyallarmyñ wysallaryna
Jogap tapsam bu soragly dünyäniň,
Çözmesi kyn syrly sowallaryna.

Ýörjen-ýörjen bolup geldim kemala
Guwanyp diÿensiñ balam, guzyma.
Kalba sazym bahar ÿazym ejejan,
Ak pata ber şahyr boljak gyzyña.

Bilbil KAKABAÝEWA.