Güldürdi meni

GÜLDÜRDI MENI

Sabadan ugradym men bir gözele,
Aglatmady gözel, güldürdi meni.
Men gözelden gezip ýördüm bitama,
Ak göwsi üstüne gondurdy meni.

Laçyn kibi al-asmanda uçar ol,
Käkilik deý güzerinden geçer ol.
Aby-köwser çeşmesinden içer ol,
Suwsuz çeşmelerden gandyrdy meni.

Men-de bir guş bolup, geldim ötmäge,
Ýaryñ bakjasynda mekan tutmaga.
Göz galdyrdym jemalyña bakmaga,
Ak gerdende meñler öldürdi meni.

Garajaoglan diýr ki gonup gitmeýär,
Bozulmyş bakjany weýran etmeýär.
Ýüzümi öwürdim arzuw bitmeýär,
Saraldy söwdügim, döndürdi meni.

GarajaOGLAN.