Maña

MAÑA

Uzynsuwda gara dag,
Seni görsem göwnüm çag,
Dürli iýmiş berýän bag,
Uzak berilsin maña.

Gurtgädigi, Topýatan,
Kölüne gonar gotan,
Algyr guş bize ýeten,
Uzak berilsin maña.

Ýagmyr ýagyp, aksa sil,
Sährasynda biter gül,
Kesearkaç, ymgyr çöl,
Uzak berilsin maña.

Keýpiñ çagdyr, aklyñ jem,
Bolmaz sende gaýgy-gam,
Hyzyr gezen gyzyl gum,
Uzak berilsin maña.

Ak şäherde algyrym,
Arbat dagda Bulgurym,
Dokuz ogul, saglygym,
Uzak berilsin maña.

Düýe, goýundyr malym,
Dermanym düýe çalym,
Gulaş diýr, küren ilim,
Uzak berilsin maña.

Gulaş şahyr.