05:04 Köýtendag | |
KÖÝTENDAG
Telwas etdim Köýtendaga näçeler, Hyýallarym şemal deýin ösdüre... Bu ýaz bolsa... asla garaşman durkam, Köýtendagyň özi geldi üstüme. Daraýyderäni geýmiş egnine, Saçlar – şaglawugy Umbarderäniň. (Ynsan ýaşap ýörse görjek ekeni Dilkaw gaýalaryň seýkin ýöränin). Dert gozgady Adam atadan galan, Göçdüm çisňi-jybar ýagyşlaryndan Bir sadyk gul deýin durdum tagzyma, Ders alyp unaby agaçlaryndan. Çykdym çürbaşyna yşkyň-ylhamyň, Göterildim Aýrybaba gerşine. Synladym şol ýerden, asyl, bu dünýä Bir howaýy salgym eken durşuna. Kä gaýnatdy Gaýnarbaba çeşmesi, Kä gagşatdy başbermezek sowuklar. Benijanlar garysyna galdy-da, Yňyp gaýtdy... Halas etdi gowaklar. Oňa soňky demde atdym özümi, Gutuldym men sämän seri süsdüre... ...Gör, näçe ýyl, arzuwymdy Köýtendag, Bu bahar Köýtendag geldi üstüme. Çykyp rowaýatdan, ertekilerden, Hakyt üzäge-de örküni ýerden, Bu bahar Köýtendag geldi üstüme... Kakamyrat REJEBOW. | |
|
√ Ýaşlyk döwrüň ýatlamasy / Goşgular - 03.06.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Geçmişden bir ahwal ýa-da Sanjar hekaýaty / Goşgular - 17.05.2024 |
√ Iman ogrusy / Goşgular - 03.06.2024 |
√ Içgepletme / Goşgular - 12.05.2024 |
√ Moskwadan görýärler / Goşgular - 30.01.2024 |
√ Bir millet / Goşgular - 20.05.2024 |
√ Gökdepäm / Goşgular - 22.03.2024 |
√ Tilki bilen üzüm / basnýa / Goşgular - 10.01.2024 |
√ Damak belasy... / Goşgular - 22.05.2024 |
Teswirleriň ählisi: 1 | |
| |