"Sapak bolsun!" / gülküli kyssa

"SAPAK BOLSUN!"

Gurban aga keýwanysyny alyp, dostlarynyñ birine myhmançylyga gidýär. O ýere baransoñ, oña bir zat ünji bolýar. Ahyry ynjalman: "Hany, öýe jañ edip göreýin-le, oglanlaryñ birden-biri öýe gelmedimikä, göwnüme bolmasa, gazy ýa-da suw kranyny öçürmedik ýaly bolup durun ýa-da telewizory öçürdimmikäm?" diýip, oýlanyp, öýlerine biri bar eken.
- Alýo-alýo, hä Geldi jan, oglum, senmi?
- Aý, ýok, men Geldi jan-a däl.
- Hä, onda Berdi oglum, senmi?
- Ýok, ýaşuly, men Berdi hem däl, Aldy.
- Aldy bolanda kim bolýa? Sen näme işleýäñ biziñ öýümizde, alýo, eşidýäñmi, how?!
- Eşidýän-le. Asyl siz bu öýüñ eýesimi?
- Hawa, men şol öýüñ eýesi, tanyt-da, how, sen özüñi!
- Menmi, men öýleri tämizleýji.
- Wah, aýdýan-a huşum gursun, suw kranyny ýapan däldirin. Özümizem dokuzynjy gatda ýaşaýarys. Aşakdaky ähli goñşylañ öýüni haraplandyrys.
- Ýok, ýok, ýaşuly harap bolan zat ýok, gaýgy etme. Suw kranyñyz ýapylan, ýöne gapyñyzy gulplaman gidipsiñiz. Alada etmäñ, siz gelinçäñiz top oýnabermeli ederin.
Gurban aga aljyrap:
- Alýo, inim, alýo, eý ogry, alýo, polisiýa - diýip gygyrýar. Soñam dosty bilen howul-hara sagbollaşyp, aýalynam alyp, öýlerine gaýdýar. Gelip görse, uly ogly Geldi gülüp otyr. Gurban aga gele-gelmäne:
- Hany ogry? - diýip soraýar.
- Wah, kaka, bir ýere gideniñizde, gapyny berk gulplañ ahyry, henizem meniñ gelenim gowy bolaýdy. Señ bilen telefonda sesimi üýtgedip gürleşen men. Şeýtmesem, ýene gaýtalarsyñyz diýdim-dä.
- Aý, bolýa-da, oglum, gaty oñardyñ, indikimize berk bolarys-da - diýip, Gurban aga ýylgyrmak bilen jogap beripdir.

Aýna ATAÝEWA.