22:01 Şygyr kerweni | |
ŞYGYR KERWENI
Düňňür... Düňňür... Düňňür... Diňle, jaň sesi Ýaňlanýar, Çar ýany ýanna çagyrýar. Hut seniň kalbyňdan Hem meň kalbymdan Özüne ýol salyp bir kerwen barýar. O kerwen şeýle bir täsin, geň kerwen, Özge kerwenlere eýgertmän deňin, Ýyllaryň, Asyrlaň, Eýýamlaň çaňyn Ýuwup, Gözellige bolansoň aşyk, Barýar, Öňe barýar, Her bir sagatda Onlarça, Ýüzlerçe menzil ýol aşyp. Düňňür... Düňňür... Düňňür... Bu şanly kerwen Güýçdür gaýratyny artdyryp her gün Hem baýdak edinip döwrüň sargydyn, Barýar, Öňe barýar, Ýolugra duşsa, Bejerýär ejizlän ýürekleň derdin. Barýar, Alyslara salyp barýar ýaň. Adamlar daşynda urýar pelesaň. Kimler-ä kerwene iner goşýar-da, Galkynýar, galkynýar, güýç alyp ýerden. Kimler bolsa umydyndan el üzýär, Goşan arwanasy galyp hatardan. Nämeler garaşýar, Bilemok häli, Diňe ýagşy tutup niýeti-päli, Menem bu gün şo kerweniň yzyndan «Ýetsem» diýip, maňlaýymdan der syrýan. Ýaňja aýaklanan köşejiklermi Goşgujyklarymy idekläp barýan. «Birden goşulaýsa, eýärmi yzyn, Kerwenden üzülip gitmezmi soň bir?..» Men şeýle pikiri öwürýän serde, Kerwen bolsa, wah, säginmän hiç ýerde, Barýar... Alyslardan gelýär jaň sesi: Düňňür... Düňňür... Düňňür... Italmaz NURYÝEW. | |
|
√ Aşgabat / Goşgular - 29.05.2024 |
√ Barsam / Goşgular - 01.06.2024 |
√ Iki jahan zyndan ise, gerek maňa bossan ola... / Goşgular - 11.08.2024 |
√ Ganyp dolup / Goşgular - 29.05.2024 |
√ Janymdan özge ýary... / Goşgular - 02.08.2024 |
√ Ajymdan öldüm / Goşgular - 11.06.2024 |
√ Rubagylar / Goşgular - 01.01.2024 |
√ Täjir tanşyma / Goşgular - 16.01.2024 |
√ Her döwür - bir döwür / Goşgular - 17.07.2024 |
√ Şahyrsumak sen / Goşgular - 06.09.2024 |
Teswirleriň ählisi: 0 | |