Duldegşir goñşyñ gowy bolanda

DULDEGŞIR GOŇŞYŇ GOWY BOLANDA

Öyüñde duyarsyñ şatlyk-şowhuny,
Duldegşir goñşyñ gowy bolanda,
Asla-ha duymarsyñ gyşyñ sowugyny,
Duldegşir goñşyñ gowy bolanda.

Päk kalba ornadyp, yagşy niyeti,
Artar bir-birige hödür-hezzeti,
Egsilmezdir, gül durmuşyñ lezzeti,
Duldegşir goñşyñ gowy bolanda.

Dünyäñ abat bolar, başyñyz merdem,
Mähir gaynap joşar, yürekden serden,
Märekede orun taparsyñ törden,
Duldegşir goñşyñ gowy bolanda.

Yaşarsyñ bagtyyar döwrüñi söyüp,
Köñüller köñüle bolyandyr seyik,
Käte dogandan hem görüner beyik,
Duldegşir goñşyñ gowy bolanda.

Hakyda-da pederleriñ diyeni,
Yene goñşydandyr, kyyamat güni,
Başa täç edersiñ gözel dünyäni,
Duldegşir goñşyñ gowy bolanda.

Balkan DURMUŞOW.