20:49 Galmady | |
GALMADY
![]() (Ýazyjy Orazguly Annaýewe ýazylan degişme) Sözüm olmasa-da, birdem sözläýin, Ýakyn tutunara ýadam galmady. Ýoda ýitdi, ýoly kaýdan gözläýin, Barçany gam basdy, şadam galmady. Aýak asta düşdi ile belliler, Merde döndi ýaranjaňlar, pullular. Sapar Öre, Jütdi, Jürdek, Gullalar... Olardan sypmaga «hodam» galmady. Ne sebäpge ykbal bizge keç olar, Haýa gitdi, desmalçydyr niçeler. Namartlady «Agrar», «Myrryh», «Gojalar», Olaň gursagynda ödem galmady. Neýlerem, tersinden öwüsdi ýeller, Gapyldy göreçler, lal oldy tiller. Ýaýnady lolular, «Urkaçy piller», Mertligiň nyşany «zadam» galmady. Ykbal bizni ne nesibä süýredi, Mert kişileň syrtyn ýapa diredi. Gawun gurçuklady, garpyz çüýredi, Mala berer ýaly kädem galmady. Magtymguly, söz manysyn çuň eýle, Içiň gyssa, saza ýapyş – heň eýle. Orazguly, mahal-mahal jaň eýle, Salamlaşar ýaly adam galmady. Atajan TAGAN. | |
|
√ Söý meni / Goşgular - 01.08.2024 |
√ Öýke / Goşgular - 24.06.2024 |
√ Ganyp dolup / Goşgular - 29.05.2024 |
√ Goşgular / Goşgular - 20.07.2024 |
√ Zehi zatyň nahany, ol nahandan masewa peýda... / Goşgular - 19.08.2024 |
√ Bagyşla! / Goşgular - 01.01.2024 |
√ Barsam / Goşgular - 01.06.2024 |
√ Estagfurullaly bentler / Goşgular - 14.02.2024 |
√ Mollanepes / Goşgular - 03.08.2024 |
√ "Gitdim senden ilerledip ümzügi..." / Goşgular - 01.01.2024 |
Teswirleriň ählisi: 1 | |
| |